Dili-06/11/2023
- Média Defisiensia, Funsaun Publiku realiza abertura ba exame
promosaun level ba funsionariu sira Elijivél hamutuk 7.359, hodi haree sira nia
koñesimentu no prestasaun iha servisu.
Tuir
Comessária Para Asunto Rekrutamento e Promosaun na Funsaun Pública Carmeneza
dos Santo Monteiro hatete, objetivu husi abertura ba exame promosaun ne’e
estabele ona iha dekretu lei hodi rekoiñese servisu funsaun publika kada tinan
sempre halo promosaun ba funsionariu sira hodi asegura no hadia sira nia
koñesimentu no prestasaun.
“Ami
hala’o atividade ida ne’e hodi lansa bazeia ba Dekretu Lei No 1/2018 ho objetivu
atu rekoiñese servisu Funsionariu Publiku sira. Tamba ne’e kada tinan
funsionariu sira sempre konkore ba promosaun refere ho kategoria ne’ebé aas liu
hanesan sistema ida ne’ebé Governu atu
fo nafatin espasu ba kompetisaun ba funsionariu sira hodi hadia
koinesimentu no prestasaun iha fatin servisu nian”. Dehan Comesaria PFP
Iha
fatin hanesan konkorente Dircia M. de Fatima Soares hatete, sente la satisfaz
ho konkorente refere tanba tuir teste dala tolu ona maibé sedauk hetan rezultadu ho di’ak.
“Hau
senti hanesan la satisfeitu tanba tuir dala tolu ona la iha resultadu ida
ne’ebé di’ak no setimentu seluk katak tuir teste online maluk balu asesu ba
internet asesu ba eletronika sira bele kapasita sira nia aan bele akompañia ho
lalais, balu lahatene kona-ba komputadór sira labele asesu ho lalais iha exame
promosaun ida ne’e”, dehan Dircia.
Nia
salienta tan katak tuir dala tolu ona maibé valor sedauk atinje to’o 80% tanba
ne’e nia sei prepara aan ba futuru hodi
kompete fila fali promosaun refere.
Entretantu
abertura ba konkore refere husi level ne’ebé aas liu husi kategoria B ba A ho total
funsionariu sira ne’ebé elejivél hamutuk (7.359) hodi konkore
ba exame promosaun ne’e hahu ohin funsionariu hamutuk 349 Ne’ebé Sei Konkore uluk
ba Vaga (36) tanba haree ba vaga ne’e kompetetivu tebes.
Jornalista:
Geraldino P. Magno no Anselmo J.M. Martins
Media:
RKDTL
0 Comments