Lautem-27/10/2023-Media Defisiensia, Partisipasaun
Ema ho Defisiensia nian ba vota iha Elisaun sira laho seguru tanba fatin laiha
asesibilidade hodi fo espasu ba EhD sira atu asesu ho dignu iha Aldeia Ililapa
Suku Loré 11, Postu Administrativu Loré Munisipiu Lautem
Iha intervista ba Media RKDTL, Martinha Gomes ho
Kondisaun Defisiensia fisiku hateten, tuir nia Hare direita iha Suku Loré 11 Ema
ho Defisiensia Partisipa duni iha Elisaun sira laho dignu tanba fatin la iha
asesibilidade hodi fo espasu ba sira atu asesu iha Eleisaun sira.
‘‘Ha‘u nia observasaun jeral liu-liu iha ami nia Suku Loré
11 ba Partisipasaun Ema ho Defisiensia nian Partisipa duni iha Elisaun, maibe difikuldade
iha asesibilidade entaun Ema ho Defisiensia nia partisipasaun seidauk masimu,
tanba ita hatene katak ema ho Defisiensia ne’e la’os ho Tipu ida deit, maibe iha
kolega balu ne’ebe uza kadera roda entaun susar ba sira atu asesu iha sede suku
hodi ezerse sira nia direitu, tanba iha sede suku laiha ranpa atu tama ba suku
laran no mos laiha Eskada no iha kolega EhD ho tipu seluk tan entaun sira ne’e
sei menus, susar ba Ema ho Defisiensia nia partisipasaun iha elisaun sira ho
diak” dehan Martinha Gomes iha Fatin Suku Loré 11.
Nia salienta tan katak husu ba parte Governu atu asegura
asesibilidade iha suku sira nune’e Partisipasaun EhD nian iha Elisaun sira bele
Aumenta
"Hau nia rekomendasaun ba parte Governu liu-liu
to’o ba elisaun sira tenki asegura asesibilidade sira iha kada suku hodi tau
importansia ba asesibilidade sira kada suku atu nune’e partisipasaun Ema ho
Defisiensia nian bele masimu hodi nune’e bele ezerse sira nia direitu ba votu
nian” nia hatutan.
Enkuantu iha nia parte husu ba maluk Defisiensia sira
hotu atu partisipa masimu iha Elisaun Suku nune’e ida-idak bele ezerse nia
direitu no tuir konsiensia ida-idak nian.
Jornalista: Ermenciana Alves
Media: RKDTL
0 Comments