Dili-27/10/2023-Media Defisiensia, Ema
ho Defisiensia Fisiku Uza kaderia roda asesu ba Elisaun la asesibel tanba fatin
ho Eskada ne’ebe as difikulta sira labele asesu ho seguru nune’e tenki hiit
sira ho kadera Roda hodi ezerse duni sira nia direitu hanesan sidadaun sira
seluk iha Aldeia Aimutin Suco Comoro Posto Administrativo Dom Aleixo Munisipiu
Dili.
Iha intervista ba Radiu Komunidade Defisiensia
Timor-Leste, Gabriel de Oliveria Aroujo hanesan Defisiensia Fisiku hateten
durante nia ezerse nia votu la ho seguru iha Elisaun tanba sentru votasaun ho
eskada ne’ebe as difikulta sira hodi hiit malu no ezerse sira nia direitu la ho
seguru iha Eskola SMA Finantil kada tinan lima, lia hirak ne’e nia hato’o ona ba media sira maibe fatin nafatin seidauk asesibel.
‘‘Hau kada tinan lima ha’u tuir elisaun iha Eskola SMA
Finantil Ne’ebe durante tinan barak ha’u eziste iha ne’eba fatin la asesibel, no
ha’u koalia bei-beik iha GMN no RTTL maibe to’o agora seidauk hadia fatin sira
ne’e Ami defisiensia lubuk ida iha ne’eba ha’u atu fasilita maluk defisiensia
sira wainhira ami ba vota dada malu no hiit malu deit hodi ezerse ami nia
direitu” dehan Gabriel iha Aimutin Dili.
Nia hatutan husu ba komunidade no maluk defisiensia
sira hili lideransa ida ne’ebe bele tau atensaun ba buat sira ne’e no rona ita nia
lian hodi konsidera ita hanesan mos ho sira nune'e tau hanoin hamutuk iha suku, atu
bele halo proposta ba ita nia estadu no na’i ulun sira hodi tau atensaun ba
buat sira ne’e.
Jornalista: Ermenciana Alves
Media: RKDTL
0 Comments