Tibar-27/10/2023-Media
Defisiensia, Ema ho Defisiensia Matan Ezerse sira nia Votu iha Sentru
Votasaun laho Segredu tanba tamplate the Brille la eziste iha Sentru Votasaun
sira iha suku Tibar.
Iha
intervista ba Media RKDTL, Alberto Aleixo ho Defisiensia matan hateten Elisaun
hanesan sentidu demokrasia ba hotu-hotu atu hili tuir sira nia hakarak, maibe
nia labele ezerse nia votu ho indenpendente iha elisaun sira seluk tanba laiha
Tamplate the Brille iha sentru votasun sira.
‘‘Elisaun
nia sentidu hanesan festa demokrasia ida ne’ebe ema hotu-hotu livre no
indenpendente atu ezerse nia votu no eskolia ema ne’ebe nia hili, maibe tuir
ha’u elisaun sira seluk ne’e ha’u labele ezerse ha’u nia votu ho indenpendente
tanba laiha asesibilidade por ezemplu tamplate the brille la konsenge iha
vulentin de votus sira entaun prejudika ba hau atu hili ema ne’ebe ha’u hakarak
no sempre hetan akonpanamentu husi Brigada STAE nian ka familia ne’ebe ha’u
konfia maibe ida ne’e seidauk serteza halo tuir ha’u nia desisaun ka lae” Dehan
Alberto iha Tibar.
Nia
hatutan husu ba Governu halo alterasaun ba lei STAE nian ne’ebe presidenti beta
nune’e bele fo kompetensia ba STAE hodi hala‘o sira nia knaar no trata ema hotu
hanesan ho sidadaun sira seluk.
“Ha’u
nia rekomendasaun ba Governu atu halo alterasaun ba lei STAE nian ne’ebe foin
liu ba presidente halo beta tanba dekretu lei refere bele fo kompetensia ba
STAE atu bele ezerse nia Funsaun hodi trata ema hotu-hotu hanesan tuir duni
sentidu demokrasia ne’ebe ema hotu-hotu livre no indenpendente hodi hili tuir
nia hakarak” Tenik Alberto Aleixo
Enkuantu
iha nia parte hato’o mensajen ba komunidade tomak entidades povu liu-liu
komunidade Defisiensia sira, ita iha
direitu no dever maka ita nia partisipasaun ida ne’ebe ekilivre no setor
dezenvolvementu sira, dever ita nian mak tenki kontribui liu husi prosesu
elisaun sira atu bele hakbesik ba sentru votasaun ida-idak maske kondisaun la
permite maibe ida ne’e mak dever ita nian nu’udar sidadaun hodi kontribui ba
iha prosesu dezenvolvementu importante liu mak ita partisipa iha Elisaun
Elisaun Suku hanesan determinasaun ema ida-idak nian hodi halo mudansa ba iha
ita nia Nasaun ka ita nia dezenvolvementu.
Jornalista: Ermenciana Alves
Media: RKDTL
0 Comments