Dili-26/10/2023-Media
Defisiensia, Komisaun Regulamentu Arte Marsiais (KRAM) konvida
Prezidenti Arte Marsiais husi parte PSHT, IKS-PTL hodi apela ba membru sira atu
kria paz no estabilidade iha Timor-Leste liu liu iha tempu eleisaun no loron
matebian nian.
Ba
Jornalista sira Prezidenti PSHT TL Baltazar Sejas Lemos hatete, husu ba membru
sira hotu iha munisipiu no iha ne’ebé de’it atu hakmatek kria paz no
estabilidade iha TL liu-liu ba mundu.
“apela
ba membrus tomak liu-liu ba kordenador munisipiu sira ho tempu ne’ebé agora atu
preparasaun ba matebian sira ba iha tempu natal ba iha tempu ne’ebé de’it apela
ba membru tomak iha munisipiu iha ne’ebé de’it par hotu hotu kalma ho mantein
pozisaun ne’ebé di’ak atu sai ezemplu di’ak ida hatudu katak organizasaun iha
Timor-Leste sai unidus atu kria amizade ida ne’ebé furak paz estabilidade iha
nasaun Timor-Leste, tanba ne’e ha’u apela ba ita hotu katak problema ne’ebé
individu la bele tau fali ba grupu ou arte marsiais’’ dehan Baltazar Lemos.
Fatin
hanesan prezidenti IKS-PL Silverter, apela mos ba membru IKS-PTL kera sakti iha
Timor Laran tomak katak atu hakribi violensia hodi kria paz no unidade iha
fatin ne’ebé de’it.
“apela
ba membru IKS-PTL kera sakti iha Timor Laran tomak katak hahú ohin hotu-hotu
tenke hakribi violensia kria paz unidade iha fatin ne’ebé de’it, iha sosiedade
ne’ebé de’it ita bot sira hela tenke hakruk ba lei hakruk ba autoridade sira
ne’ebé mak iha país ne’e no mos iha bairu ne’ebé mak ita bot sira hela kria
paz, kria unidade entre artimarsiais sira seluk mos, kestaun kona ba privadu
ninian ha’u husu ba membru sira hotu tantu imi koñese malu ou la koñese malu
atu nune’e komprende kanaliza problema ne’ebé mak akontese,” tenik nia.
Enkuantu
tuir informasaun ne’ebé hato’o katak konfrontu ne’ebé durante ne’e akontese iha
Dili laran ne’e la’os AM maibé ne’e individu. No Organizasaun sira mos iha
regras ne’ebé existe, katak se membru balu halo krimi kontra regras ne’ebé
organizasaun iha maka sei fo sansaun hanesan suspende ou bele fo sansaun ne’ebé
regirozu ba membru ne’ebé halo krimi.
Jornalista:
Pascoal N. de Jesus
Media:
RKDTL
0 Comments