EHD LABELE ASESU BA SENTRU VOTASAUN IHA SUKU BEBONUK HO DI‘AK

 
Dili-27/10/2023-Media Defisiensia, Sentru votasaun iha suku Bebonuk laiha Asesibilidade ka Rampa ba EhD sira hodi asesu iha Eleisaun sira.

iha Intervista ba Media Defisiensia Evaristo da Conceicão hanesan defisiensia fisiku husi Suku Bebonuk hateten, iha Sentru votasaun Suku Bebonuk no Eskola Ranha da Paz fatin laiha Asebilidade ne’ebe diak ba EhD sira hodi asesu ba Elisaun Sira

‘‘Ha’u nia observasaun direita iha suku bebonuk ne’ebe mak la fo potensia diak ba ita nia maluk ema ho defisiensia sira atu asesu ba sentru votasaun tanba ita hare asesibilidade ladun diak iha suku ne’e rasik nune’e mos iha Eskola Ranha da Pas mos laiha asesibilidade ne’ebe diak ba ema ho Defisienesia atu asesu ba” dehan Evaristo da Conceição iha Bebonuk.

Nia hatutan husu ba STAE, CNE no Ministeriu Relevante sira hodi hare ba asuntu ne’e liu-liu iha suku sira inklui suku bebonuk hodi hadia Asesibilidade rasik, tanba kada tinan hala’o elisaun iha fatin refere laiha asesibilidade

‘‘Ha’u nia rekomendasaun ba STAE, CNE no Ministeriu Relevante ba futuru bele hare asuntu ida ne’e para atu bele hadia kada suku sira ne’e, hanesan mos ami nia Suku Bebonuk bele hadia ninia asesibilidade ka ninia rampa atu ema defisiensia sira bele asesu tanba kada tinan elisaun iha Eskola SD Bebonuk maibe asesibilidade ladiak ba ema ho Defisiensia” tenik Evaristo

Enkuantu nia hato’o lia menon ba maluk Defisiensia no vuneravel sira ne’ebe destaka iha suku bebonuk iha loron 28 fulan Outubru 2023, nafatin fo ita nia votu ba ita nia sefi Aldeia Delegadu/a sira tanba sira mak hanesan ita nia estrutura ida determinante atu bele prepara kondisaun ba rekursu sira ba populasaun iha suku Bebonuk.

Jornalista: Ermenciana Alves

Media: RKDTL