Aileu-28/10/2023-Media Defisiensia,
iha aldeia Aslimati akontese segunda ronde Julio Soru Metan hetan fiar maioria
husi komunidade aldeia refere ho totál votus 103.
Iha intervista nia hatete, agradese ba
komunidade ne'ebé fo ona fiar ba hodi lídera iha fatin refere, nune'e mós relasiona
ho programa ne'ebé aprejenta ona mak nia sei realiza iha 2024.
"Primeiru agradese ba komunidade husi
aldeia ida ne'e ne'ebé mak ohin fo ona konfiansa mai ha'u agora dadaun bele
menan iha aldeia ida ne'e fiar katak ba oin programa sira ohin ha'u aprejenta
ne'e iha 2024 oin mai ita sei realiza liu-liu programa rua ne'ebé mak ohin ha'u
promete ita sei halo Sede Aldeia no mós fin do ano ita sei han hamutuk para
oinsá halibur matenek oan husi alsimathi oan hotu ne'ebé mak mai iha ne'e atu
nune'e hanoin hamutuk saida mak ita sei halo iha aldeia ida ne'e," dehan
nia hafoin rona rejultadu ba segundu ronde.
fatin hanesan reprezentante joventude Suku
Hoholau Vasco Mendonca, nia parte husu ba eleitor ne'ebé menan iha suku ou
aldeia atu la bele ukun tanba kór familia maibé ukun ema hotu hodi ema hotu
bele senti dezenvolvimentu.
"hanesan joventude husu ba eleitor
sira ne'ebé hetan ona fiar husi povu atu la bele ukun hare ba kór ka familia
de'it maibé tenke ukun ba ema hotu atu nune ema hotu bele senti loloos
dezenvolvimentu hanesan," Tenik nia.
No husu mós atu promove mós tanlentu joven
sira nian liuliu iha area desportivu.
Entretantu tuir observasaun iha segunda
ronde ne'e komunidade barak mak la ezerse sira nia direitu iha segredu volta.
Jornalista: Alexandre Salsinha
Editor: Media RKDTL
0 Comments