Ainaro-27/10/2023-Media Defisiensia, Americo
labele uza kadera roda hodi ba vota iha sentru votasaun tanba Estrada aat no
sentru votasaun refere laiha asesibilidaade hodi fo impaktu ba Americo atu
ezerse nia direitu iha Elisaun sira laho seguru.
Iha intervista ba Media Defisiensia Americo da Conceição
de Aroujo hanesan Defisiensia Fisiku husi Munisipiu Ainaro Postu Administrativu
Maubisse Suku Edi Aldeia Remera hateten sentru votasaun ne’ebe destaka iha Suku
Edi fo impaku ba nia hodi ezerse nia direitu laho dignu.
“Hau hakarak hato’o ha’u nia kondisaun wainhira ha’u
ba tuir votasaun ha’u senti la seguru tanba fatin ladun asesu ba ha’u
defisiensia hodi ba vota iha sentru votasaun tanba fatin la asesibel hanesan
dalan at no sentru votasaun iha suku Edi laiha rampa ba ha’u ne’ebe uza kadera
roda atu asesu ba ho seguru, tanba iha Elisaun Presdente liu ba ha’u senti atu
ba vota ladiak entaun kolega sira antar ha’u ho motor to’o iha sentru votasaun
hodi Ezerse duni ha’u nia direitu iha Elisaun sira” Dehan Americo da Conceição
de Aroujo iha Maubisse.
Nia hatutan husu ba Governu hodi hadia Estrada no fatin
votasaun tenki iha asesibilidade nune’e ema hotu-hotu bele ezerse sira nia votu
ho Dignu.
“Ha’u nia rekomendasaun ba governu atu hadia Estrada
ne’ebe aat atu nune’e ami ho defisiensia ne’ebe uza kadera roda bele ezerse ami
nia votu ba iha sentru votasaun Votasaun sira nomos presiza iha ranpa nune’e ba
futuru ami bele ezerse ami nia votu ho seguru hanesan mos sidadaun sira seluk” Tenik
Americo.
Entretantu iha nia parte hato’o mensajen ba Maluk
Defisiensia sira iha Maubisse suku Edi ita labele hare ba ita nia kondisaun ho
Defisiensia maibe ita presiza fo ita nia votu ba kandidatu/a Sefi Suku, sefi
Aldeia, Delegadu/a sira, atu nune’e aban bain rua sira bele servisu hamutu ho
parte Governu hodi hato’o problema hirak ne’ebe ita hasoru iha ita nia suku
rasik.
Jornalista: Ermenciana Alves
Media RKDTL
0 Comments