Ermera-28/10/2023-Media Defisiensia, Ema ho Defisiensia
nain lima husi Suku Leimea Sorin Balu Postu Administrativu Hatulia Munisipiu
Ermera ezerse duni direitu laho seguru tanba fatin laiha asesibilidade hodi fo
impaktu ba Ema ho Defisiensia barak mak la ezerse sira sira nia direitu iha
Elisaun Komunitaria.
Iha intervista ba Media Defisiensia Mateus Loco Soares, hanesan Defisiensia
Fisiku hateten EhD iha direitu atu hili Lideransa Lokal sira, maibe sentru
votasaun ho distansia ne’ebe dook, ikus mai resulta defisiensia barak mak la
ezerse sira nia direitu, tanba Sentru Votasaun refere laiha asesibilidade.
“Hau ho ha’u nia maluk defisiensia nain lima iha ami
nia Suku Lei Mea Sorin Balu ami mos iha oportunidade no direitu hakarak atu
hili ita nia lideransa Lokal sira, maibe sentru votasaun dook husi ami nia hela
fatin entaun maluk defisiensia balu la partisipa iha Elisaun suku razaun tanba
sentru votasaun dook husi ami nia hela fatin, no mos sentru votasaun
asesibilidade seidauk kompletu no susar ba ami ho kondisaun Defisiensia atu
asesu ba Elisaun Sefi Suku no Aldeia nian liu-liu ba maluk ne’ebe ho Tipu
Defisiensia Matan susar ba sira tanba fatin laiha asesibilidade ne’ebe ladiak entaun
susar ba sira atu ba vota”. Dehan Mateus iha Suku Lei Mea Sorin
Balu
Nia
hatutan husu ba parte Ministeriu Estatal no CNE ba futuru tenki hadia fatin
sentru votasaun ho asesibilidade kompletu, labele hare deit iha sidade maibe
presiza hadia mos iha area rural sira, nune’e ema ho defisiensia sira bele asesu
iha sentru votasaun sira laiha ona failansu.
“Ha’u
nia rekomendasaun ba Ministeriu Estatal no CNE se bele ba futuru hadia fatin
ida ne’ebe iha sentru votasaun ho asesibilidade kompletu, atu nune’e ami ho
Defisiensia asesu ba labele ho Failansu tanba ho kondisaun sira ne’e la
favoravel ba ami ho Defisiensia entaun
ami hakarak duni atu ezerse ami nia direitu iha elisaun sira hanesan ne’e, maibe
fatin ne’e ba ami susar tebes atu asesu ba liu-liu ba Ministeriu Estatal no CNE
labele hare deit ba fatin sira ne’ebe iha sidade maibe tenki hare mos iha area
rural sira” tenik Mateus iha Suku Leimea Sorin Balu.
Enkuantu
iha Sentru votasaun Refere maske laiha asesibilidade, maibe Ema ho Defisiensia
nain lima mak ezerse duni sira nia votu ho Tipu hanesan Defisiensia Matan nain ida,
Fisiku nain rua, Mental ida no Defisiensia intelektual nain ida iha Elisaun
Komunitariu.
Jornalista: Ermenciana Alves
Media: RKDTL
0 Comments