Baucau-28/10/2023-Media
Defisiensia, Dalan iha Sentru Votasaun halo Ema ho Defisiensia tauk wainhira Ezerse sira
nia direitu iha Elisaun Lideransa Komunitaria tanba fatin laiha
asesibilidade iha Munisipiu Baucau, Postu Administrativu Venilale, Suku Uma
Ana Ico, Aldeia Uai-te.
Iha
intervista ba Media RKDTL, Jose Frederico de Souja hanesan Defisiensia Fisiku
hatete, iha Elisaun Lideransa Komunitaria ida ne’e nia senti la satisfas tanba
fatin laiha Asesibilidade no nia lakompriende CNE no STAE nia
koñesementu ne’e to’o iha ne’ebe, tanba fatin refere laiha asesibilidade ba EhD no
nia rasik senti tauk wainhira asesu ba Elisaun.
“Tuir
ha’u nia observasaun kona-ba Elisaun dadauk ne’e ita liu ona, ba ha’u senti
ladun satisfaz tanba fatin ne’ebe Ema ho Defisiensia atu asesu ba iha Sentru
Votasaun ladun Assesibel, tanba ita hare no kuaze ita halo sensibilizasaun
hamutuk ho CNE ho STAE maibe ita lakompriende sira nia koñesementu ne’e to’o
iha ne’ebe, tanba sira tau Fatin ne’ebe Ema ho Defisiensia labele asesu ho diak
tanba dalan ne’ebe ita atu liu ita mos
tauk no la seguru wainhira ita tauk atu monu entaun ita tenki la’o
nei-neik to’o ba iha sentru votasaun, maibe prosesu atendementu iha parte sira
husi STAE nian tuir ha’u nia hare ladun diak no lahanesan ho Elisiun
Parlamentar nian, tanba atendementu susar los” Dehan José Frederico iha Sentru
Votasaun Aldeia Uai-te.
Nia
hatutan husu ba Governu no parte relevante sira iha Elisaun tinan lima mai,
Sebele hadia Sistema sira ne’e, tanba ita hare dau-dauk ne’e fatin la seguru no
la asesibel ba Ema ho Defisiensia sira atu asesu ba iha Sentru Votasaun.
Enkuantu
Ema ho Defisiensia ne’ebe ezerse sira nia direitu iha Elisaun Lideransa
Komunitaria hamutuk ema nain tolu inklui Ferik, katuas no Ema moras Struk sira
iha fatin refere.
Jornalista:
Ermenciana Alves
Media
RKDTL
0 Comments