Dili-28/10/2023-Media Defisiensia, Fatin
laiha asesibilidade ba Ema ho Defisiensia fisiku ne’ebe uza kadera roda iha Sentru
Votasaun Ailele Hun atu asesu ba tanba ho Distansia ne’ebe dook no fatin
refere ho eskada ne’ebe aas.
Iha intervista ba Media RKDTL, Jacinto Perreira ho tipu
Defisiensia Matan husi Aldeia Ailele Hun Suku Kamea Postu Administrativu Kristu
Rei hateten, Sentru Votasaun iha Aldeia Ailele Hun la’o diak tebes, maibe ho
Distansia ne’ebe dook no fatin refere laiha asesibilidade hodi fo impaktu ba EhD
barak mak la Ezerse sira nia Direitu iha Elisaun Komunitaria.
“Ita hare iha sentru votasaun sira la’o diak laiha
problema, maibe iha ami nia aldeia ne’e tuir ha’u nia observa sentru votasaun
ne’e kuaze ho distansia dook husi uma I depois sa’e rai lolon no sentru
votasaun refere la asesibel tanba molok ita ba vota mos sei sae eskada lubuk
ida nune’e maluk defisiensia sira ba vota iha komunidade balu mak kous deit
sira no sentru votasaun dook halo ema ho defisiensia barak la asesu iha sentru
votasaun ne’e rasik” dehan Jacinto Perreira iha Aldeia Ailele Hun.
Nia hatutan husu ba IX Governu no parte relevante sira
tau atensaun ba asuntu hirak ne’e ho seriu hodi inklui ema hotu.
“Ha’u nia rekomendasaun ba IX Governu no mos parte
relevante sira atu tau importansia ba asuntu sira hanesan ne’e tanba ita koalia
kona ba inlusaun entaun ita tenki tau asuntu inklusaun ne’e koalia ho seriu ita
koalia ohin aban ita haluhan entaun ita bele dehan katak Governu ida tun no ida
mai mos hanesan deit” hakotu Jacinto
Jornalista: Ermenciana Alves
Media: RKDTL
0 Comments