Manatuto-28/10/2023-Media Defisiensia, Ema ho Defisiensia
na’in haat husi Suku Orlalan Ezerse sira nia direitu laho seguru no segredu iha
Elisaun Komunitaria, tanba fatin laiha asesibilidade.
Iha Intervista ba Media RKDTL, Florindo do Espirito
Santo hanesan defisiensia Fisiku husi Munisipiu Manatuto, postu Administrativu Laklubar
Suku Orlalan Aldeia Fatulaun hateten, sentru votasaun refere Ema ho Defisiensia
nain haat mak ezerse sira nia direitu laho seguru no segredu tanba fatin ho
eskada ne’ebe aas no kavina de votu laiha Tamplate the Brille.
“Ha’u nia observasaun iha Sentru votasaun Ema ho
Defisiensia na’in haat mak ezerse sira nia votu iha fatin refere ho tipu oin
rua hanesan defisiensia Matan no defisiensia Fisiku, Ita bele dehan katak defisiensia
fisiku ne’ebe uza kadera roda susar uitoan atu asesu ba sentru votasaun tanba eskada
ne’ebe as halo sira labele asesu iha sentru votasaun ne ho diak no mos tipu
defisiensia matan sira labele ezerse sira nia direitu ho segredu tanba hetan
akonpaña husi familia no kabina de votus laiha Tamplate the Brille” dehan Florindo
iha Suku Orlalan.
Nia rekomenda ba Governu atu hare ba parte sira ne’ebe
Ema ho Defisiensia sira atu asesu ba liu-liu presiza observa uluk fatin ka sentru votasaun sira tanba implika los ba ema ho Defisiensia hanesan Defisiensia Matan no Defisiensia Fisiku.
Jornalista: Ermenciana Alves
Media: RKDTL
0 Comments