Dili-20/10/2023-Media
Defisiensia Asosiasaun Defisiensia Timor-Leste servisu hamutu ho Parseiru
Dezenvolvimentu sira hodi hala’o sensibilizasaun ba estudante Instituto Ciênsia
Saude (ICS), liuhusi Departamentu rua Parteira no Farmasia hodi fahe
informasaun kona-ba konseptu defisiensia no sinais moras lepra nune’e bele
transforma informasaun sira ne’e ba komunidade.
Responsavel
ba Programa Sensibilizasaun Alberto Aleixo hatete realiza atividade refere hodi
sensibiliza informasaun ba estudante sira kona-ba ema ho defisiensia nia
atividade liu-liu ba komemorasaun loron defisiensia nian.
“Atividade
ida ne’e hala’o hodi halo mos preparasaun ba komemora loron
defisiensia iha Timor-Leste. Tamba ne’e ADTL servisu hamutuk ho parseiru
dezenvolvimentu sira hodi sensibiliza kona-ba konseptu defisiensia inklui
sinais moras lepra ba iha estudante sira kompostu husi departamentu 2 mak
hanesan departamentu Parteira no Farmasia iha Institutu Ciênsia Saude”, dehan
Alberto.
Nia
salienta husi sensibilizasaun ne’e ho objetivu atu bele konsensializa estudante
sira sai hanesan bukae ida ba estudante hodi prepara ba futuru bele komprende
konseptu defisiensia hodi halo tratamentu ba maluk defisiensia sira.
“Objetivu
husi sensibiliza ida ne’e oinsa atu bele konsensializa estudante sira bele iha
bukae ida atu sai hanesan servidor liuhusi ministeriu saude karik sira bele
komprende liu ona konseptu defisiensia sira hodi bele halo tratamentu ba
pasiente defisiensia inklui bele fo tratamentu ba moras lepra iha sosiedade ho topiku
rua ne’ebe sai hanesa interesante maka oinsa ho maneiria atu trata moras lepra no
oinsa mak enkuadramentu no termonolozia ba ema ho defisiensia tanba ne’e ADTL servisu hamutuk ho nia
parseiru sira hetan apoiu fundo husi Governu Australia no mós Ministeriu Solidaridade Social Inkluzaun liuhusi Difat”, tenik
Alberto.
Iha
fatin hanesan reprezentante estudante ICS Brigida Soares hatete agradese tanba bele hetan
informasaun foun sira husi maluk defisiensia sira liuhusi sensibilizasaun ida
ne’e atu bele aumenta sira nia koñesimentu iha formasaun ho tema rua ida koalia
kona-ba Defisiensia no ida moras lepra nia sente kontente ho informasaun sira
ne’e bele sai hanesan bukae ida hodi implementa ba iha sosiedade.
"Hau
agradese tebes ba sosializasaun husi
ADTL tanba bele fahe infomsaun foun no sai hanesan bukae ida mai hau atu aumenta
hau nia koñesimentu ba saida mak hau aprende ohin loron nian no hau kontente
bele tuir formasaun sosializaun ida ne’e ami hetan topiku rua ida Defisiensia nian oinsa ita bele respeita ema
ne’ebe hanesan defisiensia segundo mak moras lepra ne’e mai husi bakteria ho
naran nikro ne’e hadaet husi komunikasaun direta bele mós moras lepra ne’e mai
husi faktor ambiente”, dehan Brigida.
Jornalista:Geraldino
Pereira Magno no Anselmo Martins
Editor:
RKDTL
0 Comments