Dili-20/10/2023-Media Defisiensia, Pascoal
Maia do Santos afeta LEPRA durante tempu naruk maibé hetan ona Tratamentu husi
doutor sira no hemu aimoruk pakote lepra tinan ida hodi nia rekopera hikas,
oras ne'e komunidade husi Aldeia Belevista hakarak fo apoiu nia kandidatu ba Xefi
Aldeia.
iha intervista ba Média Defisiensia hatete, la'ós foti
desizaun hakarak kandidatu an maibé suporta husi komunidade.
"La'ós ha'u
mak hakarak lae maibé komunidade iha ne'e mak obriga ha'u atu kandidatu an ba
xefe aldeia tanba sira hare husi kontribuisaun ha'u nian ne'ebé durante ne'e
ha'u halo iha fatin ne'e tanba ne'e mak sira hakarak fó apoiu ba ha'u atu
kandidatu an mós, " dehan Pascoal iha Aldeia Belevista Suku Lahane
Osidentál postu administrativu Vera Cruz Munisipiu Dili.
Nia hatutan, se povu fo fiar, nia promete sei servi ba
povu liuliu populasaun iha aldeia refere.
Pascoal garante sei menan iha Eleisaun Suku no Aldeia iha
28 Outubro tinan ne'e.
Entretantu Pascoal hanesan ema mekaniku ida nia atividade
lorloron mak solda, no durante ne'e kontribui ona hanesan hadia elektrisidade,
fornese bee mós, estrada, no seluk tan iha komunidade sira.
Lia hirak ne'e hato'o hafoin ekipa Assosiasaun Ema Afeta
Lepra Timor Leste (AEAL-TL) hala'o Vizita hodi fahe sasán nesesidade bázika
balun.
Jornalista:
Alexandre Salsinha
Editor:
Média RKDTL
0 Comments