SERIMONIA DISTRIBUISAUN MATERIAL ELEISAUN BA ORGAUN SUKU

 

Dili-23/10/2023-Media Defisiensia, STAE hala’o Serimonia distribuisaun Material Eleisaun Suku ba Municipio (13)

Iha serimonia distribuisaun material sira director geral STAE Acilino Manuel Branco hatete   sente orgullu ba sidadaun sira tamba tinan ida ne’e esforsu no servisu makas tantu feto no mane hodi kompete ba iha eleisaun suku nian.

“Ministerio Estatal no autoridade Munisipal posto no Administrativu maka sai responsabilidade  masimu ba iha eleisaun  liderasan  komunitariu  ka eleisaun  suku  nian, durante  ne’e iha  susesu no  halo ona atividade  lubuk ida hodi akumula dadus iha loron 13 fulan outobru ne’ebé ho esforsu sidadaun feto no mane hakarak atu  kompete iha eleisaun refere,  husi  suku  442 no suku 10 sei hadia ba iha tinan  2024 katak ita nia kandidatura ba suku ho % ne’ebé bo’ot tebes”. Tenik Diretor geral STAE

Diretor ne’e hatutan atu garante estabilidade ba eleisaun suku maka hus
u ema hotu vota ho konsiensia no vota lideransa ne’ebé  lori komunidade  ba moris di’ak no lao tuir lei sira ne’ebé vigora ona.

Iha fatin hanesan vice Presidente CNE Duarte Barreto hatete, Eleisaun refere diferente ho Eleisaun sira ne’ebé liu ona importante liu atu hili lideransa ida hodi lidera komunitaria sira iha suku hodi sai hanesan liman ho ain governu nia hodi rona komunidade nia lian.

“Eleisaun atu lao ho susesu iha kordenador Munisipal sira nia liman durante ne’e servisu barak ne’ebé  hala’o  hodi deside ona  217 kandidatura  maka prepara ona ba orgaun suku ba tinan ida ne’e  husi inan feto sira ho 11% mak inklui ba kandidatura eleisaun suku”. Dehan vice presidente CNE

Entretantu serimonia distribuisaun material refere hala’o iha Ministerio Administrasaun Estatal kaikoli Dili no entrega kedas  ba kada Munisipio  hodi desloka ba suku sira, hodi halo preparasaun ba dia 28 de outobru hala’o eleisaun.

Jornalista: Pascoal de Jesus & Efifania dos Santos

Editor: Media RKDTL