Dili-28/09/2023-Media
Defisiensia, Ministeriu Edukasaun kopera hamutuk ho PHD Austalia nomós
Organizasaun Nasional (BELUM) hodi fasilita formasaun kona-ba analiza dadus
enumerasaun ba professores.
Tuir
Ministra Edukasaun Dulce de Jesus Soares iha intervista ba Jornalista sira hatete,
formasaun ne’ebé fasilita servisu hamutuk ho PHD Australia hodi buka hatene
dadus professores eskola hotu iha Timor-Leste, nune’e bele prense formulariu
ne’ebé prepara ona husi Ministeriu Edukasaun.
“Ministeriu
Edukasaun servisu hamutuk ho PHD Australia no Organizasaun Nasional (BELUN),
hodi fasilita formasaun ba enumedores sira hamutuk neen nulu husi Municipiu sanulu
resin rua inklui Raeoa Oecussi. Objetivu husi formasaun refere atu hanorin ba sira
oinsa mak halo levantamentu dadus atu prense formulariu ne’ebe mak prepara hodi
bele hetan informasaun kona ba profesores sira iha Pre-Eskolar, Ensinu Baziku, Sekundariu
Geral nomós Tekniku Vokasional sira hotu”. Dehan Ministra iha JL Villa Aimutin.
Ministra
ne’e hatutan, professores hamutuk rihun sanulu resin lima maka halo ona
levantamentu ba informasaun dadus liuhusi apoiu Organizasaun nian nune’e iha
tempu tuir hodi halo analiza ba rekrutamentu nian.
Iha
fatin hanesan reprezentante Organizasaun Nasional (BELUM) Luis Ximenes hatete, husi
sira nia parte hato’o agradese ba Ministra Edukasaun tamba fó ona konfiansa ba
sira hodi analiza ba dadus kualifikadu
ba professores iha eskola hotu.
“Objetivo
Prinsipal husi Belun ne’ebé hanesan Organizasaun Nasional ida maibe hetan fiar
husi parseiru Dezenvolvimentu Umano hamutuk ho Ministeriu Edukasaun hodi
halo atividade benefikasaun analiza Dadus kona ba Educação Bazico liu -liu iha Eskola
Primaria ho Pre Secundaria sira iha teritorio laran tomak”. Dehan Luis Ximenes
iha JL villa.
Reprezentante
ne’e hatutan, servisu ida ne’e sei nafatin kopera ho Ministeriu Edukasaun hodi
halo analiza ba dadus sira tuir formasaun ne’ebé iha ona, nune’e bele hatene
numeru ba professores iha Timor-Leste.
Jornalista: Agostinha da Conceicaõ (estajiadu) ho Agelmos
Martins
Editor:
Alexandre Salsinha
0 Comments