Dili-28/08/2023- Media Defisiensia,
Assosiasaun Defisiensia Timor-leste (ADTL) enkontru ho membru Organizasaun
Defisiensia sira hotu hodi ko'alia kona ba loron Ema ho Defisiensia nian inklui
diskute oinsá membru Organizasaun sira sei halo advokasia iha Munisípiu,
Universidade, no fatin públiku sira.
Iha intervista ba Diretur Ezekutivu ADTL
Cesario da Silva hatete, enkontru ne’e involve membru Organizasaun ne’ebé
servisu ba EhD hodi forma komisaun ba preparasaun loron Mundial Defisiensia
nian iha tinan ne’e.
“Enkontru ohin loron bada la rua ona kona
ba komisaun organizadora hodi seslebra loron Defisiensia nian, hau hanoin ida
ne’e esensial tebes tanba enkontru ne’e involve organizasaun hotu ne’ebé
servisu no tau matan ba Ema ho Defisiensia sira hodi diskute atividade prinsipal
sira ne’ebé mak atu halo hodi selebra loron Mundial ba Ema ho Defisifiensia
nian iha tinan ida ne’e,” dehan diretur ezekutivu iha salaun enkontru ADTL.
Nune’e mos ADTL planu ona atu bele hala’o
sensibilizasaun iha Eskola Universitariu sira iha Dili laran kona ba direitu
EhD nian, no mos ba munisipiu sira kona ba asesu Ema ho Defisiensia nian iha
setor importante sira ne’ebé mak iha. Alienede ne’e sosializa mos kona ba Bolsa
da Maen ba Jerasaun Foun iha Munisipiu sira.
Jornalista: Alexandre Salsinha
Editor: Alexandre Salsinha
0 Comments