Dili-28/09/2023-Media
Defisiensia, Governu Federal Alemaña fo apoiu orsamentu ba Centro
Nacional Chega (CNC) hodi halo dezenvolvimentu historiku ba pasadu Museu
antigun iha Balide.
Tuir
Diretór Ezekutivu Centro Nasional Chega I.P (CNC) Hugo Fernandes hatete,
koperasaun ne’ebé Centro Nacional Chega (CNC) hala’o ho Governo Alemaña hodi
halo dezenvolvimentu fatin Museu antigu Balide sai fatin historiku ba pasadu
sira, nune’e bele konta ba jerasaun foun sira iha futuru.
“Ami
asina akordu ho Governu Federal Alemaña ne’ebé reprezenta husi Embaixadora
Alemaña nian iha Jakarta hodi kopera hamutuk ho (CNC) durante tinan rua hahu
husi 2023 to 2024 ho Objetivu Governu Federal Alemaña sei fó apoiu ba Centro
Nacional Chega hodi dezenvolve Museu Antigu Balide mak sai hanesan sentru ba
direitu umanu nomós historiku pasadu Timor nian”. Dehan Diretór CNC iha sala
enkontru.
Diretór ne’e hatutan, koperasaun ida ne’e atu
hare liu ba dokumentasaun sira no fatin antigu sira nune’e hadia di’ak liután
ba futuru jovens sira bele hatene
historiku pasadu sira. Governu Alemaña fo apoiu orsamentu total ho montante $
4000.00 ba Centro Nasional Chega (CNC).
Iha
fatin hanesan Reprezentante Embaixadora Governu Federal Alemaña Ina Lepel hatete,
koperasaun ida ne’e atu servisu hamutuk ho Centro Nacional Chega hodi transmite
historia pasadu ba jerasaun foun sira, nune’e ema hotu bele hatene
akontesimentu ne’e mosu iha Timor nia lala’ok sira.
“Ami
nia apoiu hodi bele ajuda Centro Nacional Chega (CNC), hodi bele hakerek
historiku sira tamba instituisaun ida ne’e hanesan instituisaun publiku ba memoria
pasadu. Nune’e esforsu atu kolekta dokumentu historia pasadu sira hodi transmite
ba jerasaun foun sira hahu forma husi servisu hamutuk ho Ministeriu Edukasaun nune’e
bele fahe informasaun sira ne’e ba estudante sekundariu nomos Universidade,
sosiedade sivil, no organizasaun sira hotu”. Dehan Embaixadora Alemaña.
Governante
ne’e salienta, ita hotu observa katak Centro Nacional Chega iha dezafiu boot
ne’ebé sira hasoru maka seidauk hetan historia hotu iha Timor durante
akontesimentu iha pasadu.
Jornalista:
Pascoal N. de Jesus
Editor:
Alexandre Salsinha
0 Comments