Komandante Jerál PNTL Komisariu Henrique da Costa
Dili-02/08/2023- Média Defisiensia,
Komandante Jerál Polísia Nasionál Timor-Leste (PNTL) hasoru malu ho Prezidente
Repúblika José Ramos Horta hodi ko'alia kona-ba situasaun seguransa iha rai
laran.
Tuir Komandante Jerál PNTL Komisariu Henrique da Costa
hatete, relasiona ho enkontru ne’e hodi informa kona ba situasaun seguransa iha
rai laran inklui mos iha fronteira.
“Ohin Komandante Jerál PNTL hetan konvite husi Prezidente
Repúblika nian atu bele mai enkontru ho Xefe Estadu informa kona-ba situasaun
seguransa iha rai laran ninian, no mós progressu servisu polísia ninian, Xefe
Estadu husu PNTL reforsa ita nia seguransa iha fronteira, Xefe Estadu mós husu
PNTL nafatin hala'o ninia kna'ar ho di'ak, no hatudu profesionalizmu polísia
ninian, Mezmu polísia ita infrenta difikuldade lubuk ida, hanesan rekursu
umanu, transporte, komunikasaun maibé ita nafatin hala'o ita nia kna'ar ho
rekursu ne'ebé ita iha. Situasaun rai laran, ita hotu-hotu akompaña daudauk
situasaun normál, ita nia polísia tantu iha munisípiu no mós iha komunidade
sira hala'o servisu ho maka'as, espesialmente iha Dili laran.
Ita hatene dala ruma engarafamentu maka'as, maibé iha
husu ba polísia liu-liu sira parte tranzito no mós parte patrollu sira nune'e
fatin balun sira prejensa antes nune'e bele prevene mosu engarafamentu ninian,”
informa KOMJE PNTL Henrique da Costa iha palasiu Prezidensial Bairu-Pite Dili.
Komandante ne’e salienta, informa mos problema ne’ebé
sira iha ba xefe estadu. No mensagem ne’ebé PR fo mak husu PNTL atu la bele
lakon vontade mabé nafatin servisu ho kna’ar profisionalismu maske hasoru
difikuldade.
“Fasilidade ba polísia fronteira ida ne'e mós ita informa
ba iha Xefe Estadu katak ita nia difikuldade ida mak transporte, ho ita nia
rekursu umanu nian ema ne'ebé koloka iha ne'eba. Ita nia ema limita, distánsia
postu ne'ebé dook, dala ruma ema sira kontra bandu ne'e tama, sai, dala ruma
sira liu husi fatin ne'ebé polísia la kobre, no dala ruma tama to'o fali iha klaran
mak ita nia patrollu sira seluk konsege deteta. Ita nafatin ho meius ne'ebé ita
iha ne'e, ita iha esforsu nune'e fó nafatin kualidade atendimentu ne'ebé di'ak.
Mensajen Prezidente Repúblika José Ramos Horta husu PNTL
nafatin servisu ho profesionál, mezmu ho limitasaun ne'ebé iha, maibé polísia
labele lakon ninia vontade servisu ho limitasaun ne'ebé iha hatudu nafatin
katak polísia prontu nafatin atu asegura duni ita nia rain,” hakotu Komandante
ne’e.
Jornalista:
Alexandre Salsinha
Editor:
Alexandre Salsinha
0 Comments