KI PRESIZA SUBTITUI MEMBRU FOUN IHA EXPEDITO DIAS NIA FATIN

Conseleiro Conselho de Imprensa Franscisco Belo Simões da Costa 

Dili-01/08/2023-Media Defisiensia, Konselho de Imprensa presiza tebes subtitui membru foun ida atu bele garante sustentabilidade KI nian.

Iha intervista Conseleiro Conselho de Imprensa Franscisco Belo Simões da Costa hatete, iha enkontru ne’e oinsa atu nomeia membru foun balun hodi substitui hikas Expedito Dias fatin atu bele hola dezsaun exekusaun orsamentu.

“Konsellu imprensa mai halo inkontru ho sua exelensia Sekretariadu Komunikasaun Sosial, hodi partilla kona ba, tanba ita hotu hatene Ionsellu Imprensa nia orgaun kolegial desizaun mos koletiva entaun iha plenaria membru nain 5,entaun membru ida mak sekretariu estadu nomea tia mai sekretariu estadu komunikasaun Sosial, entaun hela, membru nain 4 la konsege hola desizaun ruma ne’ebé implika ba exekusaun orsamentu, entaun plenaria tenki ema nain 5 ami presija tebes iha subtituisaun lalais ida atu bele garante sustentabilidade funsionamentu plenaria nian nune’e ami bele halo exekuasau orsamentu 2023 tuir ami nia ajenda no ami nia programa no mos prepara ba planu orsamentu 2024 nian,”tenik Conseleiro Conselho de Imprensa Franscisco Belo Simões da Costa.

Iha fatin hanesan Sekretario Estadu Komunikasaun Sosial Expedito Dias Ximenes Hatete, objetivu husi enkontru refere atu subtitui membru foun ne’ebé bele troka sekretariu estadu nia fatin.

Sekretario Estadu Komunikasaun Sosial Expedito Dias Ximenes

“Objetivu ohin konsellu de imprensa mai hasoru malu ho sekretaria komunikasaun social ho hau sekretariu estadu, primeiru atu fo hanoin katak konsellu de imprensa presiza ona membru foun atu bele troka fali hau iha konsellu imprensa tanba konsellu de imprensa iha nia estatutu iha nia regulamentu ne’eb’e iha atu bele hola desizaun balu presiza plenaria ne’ebé tenki presiza membru nain 5 tanba agora membru hela nain 4 tanba ne’e subtituisaun ida ne’e tenki aselera lalais,” tenik Sekretario Estadu Komunikasaun Sosial Expedito Dias Ximenes.

Expedito Dias salienta, iha enkontru ne’e mos KI ho onestu hodi hato’o difikuldade sira ne’ebé sira hasoru.

“Produtivu tebes tanba Conselho de Imprensa mai ho onestu tebes hato’o sira nia difikuldades ne’ebe durante ne’e sira hakat ita fiar katak IX governu sei tau atensaun iha programa IX governo nian nomos fo apoiu no reforsa nafatin Conselho de Imprensa tanba hanesan orgaun regulador no subrevisor ba Comunicacão Social iha Timor-Leste,” hakotu nia.

Enkuantu membru foun ne’ebé atu subtitui ba sekretariu estadu nia fatin ne’e seidauk hatene.

Jornalista: Alexandre Slasinha & Eufrosina Soares Bras

Editor: Alexandre Salsinha