Secretario Estado Sefope Rozerio Araujo Mendonsa
Dili-18/08/2023, Media-Defisiensia
- Sefope realiza serimonia despedida no asina deklarasaun ho familia
trabalhador nune’e sei aranka ba servisu iha
Australia.
Secretario Estado Sefope Rozerio Araujo Mendonsa hatete,
serimonia despedida ida ne’e sempre hala’o bainhira trabalhador sira atu sai ba
korea ho Australia nune’e hodi fo lia menon ba trabalhador ho familia sira
liu-liu kona-ba kontratu ne’ebé fó entre trabalhador familia no Sefope.
“Nudar jovens tenke halo di’ak ba rai ida ne’e tamba governu halo ona investimentu
ba iha formasaun no buka ona dalan ba
jovens sira atu ba servisu iha rai liur,
nune’e jovens sira maka futuru hodi kontribui ba nasaun ida ne’e”.
dehan Secretario Sefope
Secretario ne’e salienta iha tinan 2021 fundus kapital
umanu fo investe ba formasaun hamutuk 1.5 milhoes maibe
hare ema ne’ebe iha abilidade
no kapasidade atu ba servisu iha estrajeiru tamba governu sei investe servisu iha rai liur atu hatama taxa mai ita rain nune’e
bele fasilita nafatin formasaun ba
timoroan sira iha futuru mai.
Reprezentante trabalhador Dulce Fernandes Freitas hatete,
senti orgullu tebes hetan oportunidade ida ne’e tanba liu husi oportunidade ida
ne’e bele hetan esperiensia ba futuru hodi fila mai halo netik buat ruma diak
ba ita nia rain.
“Nu’udar sidadaun timorense tenke hakruk ba ita nia lei
ne’ebé maka estabele ona iha ita nia nasaun nune’e ba servisu ho disiplina ho
komportamentu ne’ebé diak. Bainhira fila mai timor ho osan ne’ebe hetan ona
bele hadia ekonomia familia no mos loke negosia kiik hodi hadia mos sosiedade
iha nasaun ida ne’e”. tenik trabalhador Dulce Fernandes
Entretantu Sefope sei servisu makas ho parte governu nune’e fasilita formasaun ba jovens hodi ba servisu iha estrageiru no iha tempu badak sei loke mos formasaun kursus ba lian japaun.
Jornalista: Pascoal N. de Jesus
Editor: Alexandre Salsinha
0 Comments