Dili-18/08/2023,
Media Defisiensia - Fundasaun
AHISAUN fasilita kursu komputador ba Ema ho Defisiensia sira hodi hasa’e sira
nia kapasidade iha prosesu estudu nian no mos bele compete mos iha kampu de
traballu iha futuru.
Tuir
formadór Natalino Alexandre da Costa hatete, objetivu principal husi formasaun
ne’e oinsa atu hasa’e maluk Defisiensia sira nia kapasidade liu husi formasaun
sira atu nune’e sira bele ba kompete iha kampu traballu.
“Objetivu
primeiru mak oinsa ita atu hasa’e maluk Defisiensia sira nia kapasidade ninia
skil ou abilidade liu husi formasaun komputador no ita foka liu ba fromasaun
edukasaun komputador atu nune’e sira bele iha koñesimentu ne’ebé mak naton nune’e
ba oin karik sira bele ba kompete iha kampu traballu”, dehan formador Alexandre
iha nia kna’ar fatin Fundasaun Ahisaun 07/08.
Formadór
ne’e hatutan, Fundasaun Ahisaun fasilita formasaun komputadór ba maluk defisiensia lubuk ida ona liu-liu ba
sira ne’ebé hela iha fatin ida ne’e barak mak iha ona koñesimentu iha area
refere, nune’e programa ida ne’e sei nafatin fasilita ba maluk defisiensia sira
ne’ebé hakarak atu aprende.
Formador
ne’e mós rekomenda ba parte relevante sira atu bele apoiu fasilidade ba iha
formasaun komputador ba ema ho Defisiente matan sira atu bele envolve mos iha
atividade refere.
Iha
fatin hanesan formando Ahisaun Ernestinha Gago Martins hatete, nia parte sente apresia
tebes tanba bele tuir formasaun kona-ba komputador hodi aprende word, excel no
power point nune’e bele aumenta nia kapasidade iha prosesu estudu nian.
“Hau
sente kontente tanba mai iha fatin ida ne’e tuir kursus komputador hau sente
kontente maske hau kondisaun defisiensia maibe kakutak la defisiensia hau hakarak
aprende komputador iha fatin ida ne’e hodi aumenta hau nia kapasidade hodi
kontinua hau nia eskola nafatin”, Tenik Ernestinha
Entretantu
iha kursus komputador sira aprende kona ba word, excel no sira seluk, no total
formandus iha formasaun refere hamutuk 17 kompostu husi mane nain 6 no feto
nain 11. Hetan apoiu husi parte Governu
liu-liu MSSI ba atividade ida ne’e, formasaun ne’e kada tinan ida nia tarzetu
20 pessoas iha kada tinan.
Jornalista
: Geraldino Magno no Pascoal de
Jesus
Editor : Geraldino Magno
0 Comments