Dili-18/08/2023, Media Defisiensia - IX Governu sei harii uma ho dignu ba povu hodi bele garante moris di'ak.uma ne'ebé sei harii laos ona Uma ba Kbiit Laek, Maibé tenke uma Dignu.
Tuir Vice-Primeiru Ministru (VPM) e Ministru Cordenador
dos Asuntus do Dezenvolvimentu Rural (MCADR) Mariano Assanami Sabino hatete, IX
Governu sei harii uma ne'ebé dignu hodi bele proteze ferik katuas no labarik
sira.
"Primeiru tenke klareza, la'ós dehan lalos, ita iha
uma hodi proteze labarik ema sosiedade ne'ebé ita bele dehan ferik katuas sira
ne'e ita tenke proteze. Uma ne'e tenke
iha uma ne'ebé merese duni para ema hela, ita tenke hare loron matan
tama, anin tama no bele asesu ba bee mós sentina depois sai mai nia tenke asesu
ba edukasaun, labarik sira tenke asesu ba halimar. uma ne'ebé ita halo ita
tenke hare rai ne'ebé iha tahan para la bele hetan
estraga," dehan VPM e MCADR hafoin remata enkontru ho SECOMS no Jornalista
Editor no Redasaun sira iha Salaun enkontru Palásiu do Governu.
nia hatutan, uma ne'ebé harii iha nia kategoria oioin
hanesan uma gratuitu no uma ba kreditu.
"uma ne'e iha kategoria oioin, uma ne'ebé gratuitu
hanesan uma ne'ebé halo ba inan aman povu sira iha kraik ne'ebé ita sei halo,
no uma subsidiu uma ne'ebé ke sorin governu sorin uma nain ne'e ita bele hare
ba planu aban bainrua sei hare karik veteranus karik PNTL, F-FDTL, funsionariu
públiku ita sei hare iha aban bainrua, ida fali uma ne'ebé kreditu ne'e tenke
ho servisu ho banku iha bairu ne'ebé iha fatin ne'ebé ita halo uma kreditu ema
ne'ebé foin sa'e joven sira bele halo kreditu ba iha ne'ebá, kuandu iha ona
rendimentu nia iha ona direitu ba uma, uma ne'e direitu konstitusionál ne'ebé ita tenke hare, no ida seluk fali
fatin ne'ebé uma ho di'ak para atu faan nian, uma ho di'ak para aluga
nian," hatutan nia.
Vice Primeiru Ministru ne'e salienta tan, sira sei halo
levantamentu dadus
"tinan ida ne'e iha de'it ona fulan 4 ne'ebé ita
hanoin levantamentus dadus mak sei barak liu iha tinan ida ne'e ita mós sei
levanta pontesia sira depois ita sei halo planea di'ak hahú 2024 mak ita sei ba
ezekusaun,"hakotu nia.
Entretantu IX Governu sei hare levantamentu dadus sira hafoin bele fo sai kona-ba uma ne'ebé halo ba hira.
Jornalista : Efifania dos Santos
Editor : Alexandre Salsinha
0 Comments