SEI SERVISU HAMUTUK HO PARSEIRU INTERNASIONAL HODI ATINJE SOSIEDADE INKLUSIVU

 
Sekretaria Estadu ba Igualdade Elvina Sousa Carvalho

Dili-10/08/2023-Media Defisiensia, Sekretaria Estadu ba Igualdade SEI servisu hamutuk ho paseria internasional sira hodi hare ba sosiedade inkluzivu iha TL.

Tuir Sekretaria Estadu ba Igualdade Elvina Sousa Carvalho Hatete, SEI hamutuk UN WOMEN organiza hodi hasoru Ajensia Nasional sira kona ba planu ne’ebé sei halo hodi atinje sosiedade ida inkluzivu.

“Ohin primeira ves enkontru hamutuk SEI ho parseiru internasional sira, maibe laos SEI mesak, SEI, UN WOMEN hamutuk organiza para hodi hasoru Ajensia Nasionais sira, women family no organizasaun husi UN WOMEN sira nian hodi bele hare saida mak ita bele halo hamutuk bele atinji igualdade jeneru. no mos hare’e mos ba planu governu nian, liu-liu SEI nian atu bele atinji sosiedade ida ne’ebe igual no inkluzivu,” dehan SEI Elvina Sousa Carvalho iha salau Suia Room Timor Plaza.

Sekretaria Estadu ne’e hatutan, parseria sira ne’e kleur ona no asuntu ne’e laos SEI mesak maibé husu parte hotu nia responsabilidade.

“Atu hateten deit parseiru SEI iha ne’e los ona, agora servisu parseria ne’e kleur ona, atu hateten katak misaun saida deit mak ita iha ita sei labele atinji mesak maibe presisiza mos parseria, alende ne’e Ajensia Nasionais, Internasionais, no mos Sosiedade Sivil sira ne’e responsabilidade ema hotu nian atu bele antiji sosiedade ida nebe igual no inkluzivu. esforsu SEI nian ida mak tur hamutuk atu bele hare’e saida mak ita bele halo hamutuk tamba Ajensia Internasionais barak mak iha ne’e, no sira barak nia programa mak target ba iha igualdade jeneru, promosaun igualdade jeneru, jender stalling hirak ne’e. entaun ita tur hamutuk saida mak parte husi ita nian bele halo, husi parte sira nian bele halo hodi suporta iha atinjimentu ida nebe diak. Nia fim mak ita iha sosiedade ida nebe igual no inkluzivu,” tenik sekretaria ne’e.

Nia salienta liu tan, orsamentu ne’ebé ba oras ne’e sira utiliza ba sira nia atividade husi Governu anterior nian, no ba oras ne’e SEI nafatin kontinua empodera feto sira iha Munispiu, no atividade ne’e sei lao hela.

“Iha tinan ida ne’e SEI sei uja nafatin tetu orsamentu ne’ebe mak uluk aprova ona husi governu anterior sei iha mudansa kikoan ruma, maibe ami sei halo jestaun interna deit ne’ebe dois pontu hira ba SEI sei kontinua uja, hau fiar katak ami nia ezekusaun ne’e to’o ona 50%, ne’e garante katak ezekusaun ne’e diak no kualidade iha tinan ida ne’e.

Prioridade ne’e maka uluk aprezenta, agora kontinua impoderamentu feto iha vida ekonomia hare’e mos konaba partisipasaun feto vida politika ba iha grupu feto sira ne’ebe mak iha municipiu ida ne’e mak lao hela iha mos aktividade regular nian. no promosaun programa jender stalling kontinua hela ne’ebe ida ne’e aktividade regular SEI nian lao hela,” hakotu nia.

Entretantu enkontru refere marka presensa husi parseiru Nasional, Internasional no organizasaun sociedade sivil sira hotu.

Jornalista: Eufrosina S. Brás

Editor: Alexandre Salsinha