PERFIL ORGANIZASAUN UNIAUN DEFISIENSIA MATAN TIMOR-LESTE (UDM-TL)

 
Diretor  UDM-TL Jacinto Perreira

Dili-10/08/2023- Media Defisiensia, Tuir Diretor Uniaun Defisiensia Matan Timor-Leste Jacinto Perreira haktuir, UDM-TL  hanesan organizasaun não govermental ne’ebe estabelese husi ema ho defisiensia matan sira kompostu husi ema ho defisiensia matan nain haat (4), wainhira sira ba tuir konferénsia ida iha Singapura, nune’e sira hetan inspirasaun husi maluk defisiensia sira iha estrangeiru katak wainhira imi fila husi konferensia ida ne’e ba Nasaun Timor imi tenke hari’i Organizasaun ida hodi akumula imi nia maluk defisiensia matan sira iha Timor-Leste.

Iha momentu konferénsia ne’e refere remata sira fila hodi hari’i dunik organizasaun ida iha loron 4 fulan Janerio tinan 2004 bazeia ba rekomendasaun ne’ebé maka iha husi maluk defisiensia matan sira iha estrangeiru.

Objetivu husi organizasaun ne’e maka uniaun defisiensia matan Timor-Leste maka hasai maluk sira husi deskriminasaun, analfabetizasaun , margenilizasaun, luta ba direitu maluk defisiénsia matan sira nian iha Timor-Leste.

Vizaun (UDM-TL) dezenvolve talentu maluk defisiensia matan sira iha Timor-Leste Valoriza dignidade ema ho defisiensia matan, hasa’e kapasidade defisiensia matan sira katak maske ami ho defisiensia matan neon la defisiensia inklui hari konfiansa maluk defisiensia matan sira, atu fiar aan moris independente.

Misaun (UDM-TL) hakbi’it ema ho defisiensia matan sira ne’ebe la hetan koragen ka la hetan  formasaun, no defisiensia matan ne’ebe fraku sai forte atu moris dinamiku.

Organizasaun defisiensia matan hamri’ik kuaze akumula ona maluk defisiensia hamutuk 3.0000 mill no maluk sira ne’e maioria maka seidauk asesu ba edukasaun no programa UDMT-L nian

Asosiasaun kuaze produz ona maluk defisiensia matan lubuk ida hira maka asesu ona ba edukasaun 30 e tal balun iha ona Universitariu balun rematan ona estudu no balun sei kontinua hela iha sekundariu nomos ensinu rekorente no formasaun iha asosiasaun UDM-TL nian.

Mensagem ba maluk defisiensia sira iha Timor laran tomak nafatin mai iha UDM-TL maka fatin ou mahon maluk maluk defisiensia matan sira atu transforma imi sai ema ne’ebe aktivista. akademiku nomos fasililta ita bot sira sai ema ne’ebe  moris independente.

Husu ba familia sira atu labele bandu maluk defisiensia matan sira maibe lori sira ba iha instituisaun ka organizasaun  sira ne’ebé tau matan ba asuntu ema ho defisiensia  atu nune’e sira bele hola parte iha atividade sira, ita nia servisu hamutuk maka ami nia susesu.

Jornailsta: Eufrosina S. Brás

Editor: Alexandre Salsinha