TL TENKI PREPARA AN DI’AK HAFOIN TAMA BA ASEAN

 Ministro Negósios Estranjeiros Bendito Freitas

Dili-09/08/2023, Media Defisiensia-Timor-Leste tenke prepara di’ak  rekursu humanu inklui parte seluk atu la bele prejudika TL tama ba ASEAN.

Tuir Ministro Negósios Estranjeiros Bendito Freitas hatete, TL tenke prepara an didi’ak iha parte hotu hanesan rekursu umanu, rood map, infraestrutura inklui mos seluk hafoin bele tama ba ASEAN.

“Ita tenke prepara an didiak lai hodi  ba iha ne’eba ita tenke ser prontu, ita tenke prepara rekursus humanu numeru 1, depois rood map ne’e klaru, iha pontus balu ligadu ho infraestrutura hanusa mak ita bele organiza konferensia bobot iha ne’e, ita nia infraestrutura iha ne’ebé preparasaun simu bainaka internasional sira barak ne’e, depois ita prepara ita nia kuadru sira iha koperasaun interministerial atu bele selesiona atraves de rekrutamentu ita nia funsionarius publikus sira ne’ebé eskolla ona ba tuir formasaun adekuadu, espesifikamente orientada ba nesesidades ne’ebé ke preparasaun ba adezaun ASEAN nian,” Dehan Ministro Negósios Estranjeiros Bendito Freitas.

Nia hatutan, TL hanesan nasaun foun ida, maibé ho esperiensia naruk ne’ebé TL partilla esperiesnia sira ne’e ba mundu liu husi J7+.

“ita geografikamente ita ASEAN nian ona, ASEAN nia sentralidade ne’e importante ida mak papel importante ba ekonomia maibé Timor-Leste ho esperiensia nudar nasaun foun husi faze esperiensia ida ne’ebé luta naruk ho esforsus hotu-hotu ita mos partilla ita nia esperiensia lubuk ida iha mundu liu husi ita nia lider pesoeminente J7+ ita mos hetan estatutu observador permanente ba nasoens unidas hau hanoin sira ne’e fo mai ita hanoin atu tetu atu bele konsidera aspetu sira hotu molok ita hakat tam aba ASEAN,”hakotu nia.

Entretantu lian hirak ne’e hato’o hafoin MNE partisipa iha sorumutu Konsellu Ministu nian iha Palasiu do Governu Kuarta Feira ne’e.

Jornalista : Eufrosina Soares Bras

Editor : Alexandre Salsinha