Dili-14/08/2023,
Media Defisiensia- Organizasaun Naroman ba Futuru nafatin kontinua programa
Edukasaun no Empodera grupu sira ne’ebé estabelese ona iha Munisipiu sira.
Tuir
Diretur Naroman ba Futuru Joni Soares de Carvalho hatete, parograma ne’ebé sira
hala’o ba fulan 6 nian foku liu ba Edukasaun no Empoderamentu.
“ita
nia organizasaun Naroman ba Futuru fulan 6 iha programa rua importante ida mak
Edukasaun no ida tan mak Empoderamentu edukasaun ne’e mak ita nafatin fokuS ba
iha eskola ekivalensia ne’ebé ita hari ona eskola SK ida iha Ermera, seluk tan
mak Edukasaun naun formal ne’e ita hala’o iha Dili Viqueque ho Ermera husi
Edukasaun naun Formal ne’e mak English ho komputador,” dehan Diretur Naroman ba
Futuru Joni Soares de Carvalho iha Centru Naroman ba Futuru Bebonuk.
Diretur
ne’e hatutan, nafatin apoiu grupu sira iha atividade sira hanesan produsaun
kafé no nuu, Ba fulan 6 nia laran estabelese grupu 10 iha Bobonaro liu-liu hare
liu ba aquaflorestal ninian.
“kona
ba empoderamentu ita nafatin apoiu grupu sira liu-liu grupu produsaun kafé iha Ermera
produsaun nuu iha Viqueque mina nuu ne’ebé grupu la’o nafatin ita mos
estabelese grupu 10 iha Bobonaro liu-liu hare liu ba aquaflorestal ninian,
ne’ebé fulan 6 nia laran ne’e ita fokus mak programa rua, Edukasaun no
Empoderamentu,” tenik nia.
Nia
informa tan kata, Naroman ba Futuru ba oras ne’e estabelese ona grupu sira
hamutuk 30.
“kuaze
ita komesa eziste to’o agora ita hari ona 30 grupus ne’ebé kompostu husi Ema ho
Defisiensia grupu vuneravel hodi to’o ema kbi’it laek sira, barak liu mak iha
agrikultura ho produsaun,”hakotu nia.
Entertantu Naroman ba Futuru mos rekomenda ona Defisiensia balu Asesu ba UNTL.
Jornalista : Alexandre Salsinha
Editor :Alexandre Salsinha
0 Comments