Prezidenti Repúblika Jose Ramos Horta
Dili-23/08/2023, Media Defisiensia - Prezidenti
Repúblika Jose Ramos Horta, Deskonfia membru Governu balu hola parte iha Grupu
Arte Marsiais (GAM) hodi halo Estadu lakon kredibilidade mai to’o agora.
Tuir Xefe estadu ne’e informa
ba jornalista sira hatete, konflitu entre artimarsial tanba lider sira la iha
responsabilidade ba nia membru sira.
“primeiru responsabiliza lider sira se ita responsabel ba
organizasaun ruma ita tenke responsabel ba komportamentu membru sira, to’o
agora ha’u hare tinan hirak ne’e nia laran ne’e lider sira artemarsial la simu
responsabilidade legal kriminal sira nia membru nia komportamentu,”dehan xefe
estadu ba jornalista sira iha jardin PR.
Nia esplika, Governu la iha kreabilidade tanba membru Governu
balu hola parte mos iha Arte Marsiais.
“Lider sira tenke iha lei ida hodi bele fo sansaun ba
organizasaun rasik, hanesan Arte Marsial la iha liu sansaun tanba sekalian
membrus Governu balu hola parte mos iha Grupu Arte Marsial, ita hatete ba
polisia la bele iha arte marsial tama iha polisia, hatete Forsas Armadas la
bele, mais membru Governu balu sira mak uluk ba marka prezensa fo onra ba Grupu
ida ne’e, i balun iha Governu laran rasik entaun Governu la iha kreabilidade ba
ida ne’e, ha’u hatete la’os Governu ida ne’e desde uluk kedas nune’e.
VIII Governu hanesan ita hotu hatene, KORK/KHUNTO tur iha
kadeira bo’ot iha VIII Governu nia laran ita sei iha lei iha regra ba hotu-hotu
la bele hatete ba PNTL F-FDTL la bele membrus Arte Marsiais maibé Ministru id
abele iha Arte Marsial,” hakotu nia.
Entretantu lia hato’o hafoin Xefe Estadu hala’o abertura ba expozisaun A-funan iha Jardin Palasiu Presidensial Bairu-Pite Dili.
Jornalista : Alexandre Salsinha &
Geraldino Magno
Editor : Alexandre Salsinha
0 Comments