Presidente da Repúblika Jose Ramos Horta
DILI-24/08/2023, Media Defisiensia - Presidente da Repúblika de Timor-Leste halo
abertura ba ekspozisaun ai-funan hodi promove inan feto sira nia kreatividade negosiante
nian.
Tuir Presidente Jose Ramos Horta hatete, liu husi
programa ida ne’e atu bele promove komunidade sira nia produtu Ai-Funan no bele
ajuda sira nia rendimentu.
“Primeiru atu tulun tia sira halo programa no bisnis ida
ne’e kleur ona hau mós sosa sira nia produto antes ona tanba ne’e halo
ekspozisaun ohin nune’e bele kontinua kada fulan tolu nune’e eventu nasional
ruma hanesan fulan 12 novembru no 20 de maiu bele mos halo ekspozisaun ba
ai-funan lokal sira”, dehan Presidente da republika,” dehan xefe estadu ba jornalista
sira iha Jardin Palasiu Prezidensial Bairu-Pite Dili.
Horta salienta, ekspozisaun refere atu promove kultura
dekorasaun ai-funan ne’ebé komunidade sira halo hodi promove fila fali liu husi
ekspozisaun sira nune’e bele ajuda komunidade sira bele hetan osan liu husi
ekspozisaun ai-funan.
“Primeiru atu promove kulturaba dekorasaun ai-funan
segundu bele tulun inan sira ho orsamentu president nian hau mós sei koalia ho
membru governu sira atu bele mai vizita hodi sosa halo dekorasaun iha
ministeiru sira aumenu tempu hodi tulun inan sira buka moris liuhosi faan ai-funan sira ne’e,” hakotu Xefe
Estadu
Iha fatin hanesan representante negosiante hatete sente
kontente bainhira tuir ekspozisaun ida ne’e hodi bele promove sira nia
atividade sira liuhusi faan ai-funan.
“Hau sente kontete tebes
durante ami fan ai-funan iha
merkadu manleu ami menus tebes hetan osan maibe ohin ami partisipa iha
ekspozisaun ida ne’e presidente hasoru ami direita hodi sosa ami nia ai-funan ami sente kontente,” hatete Elvina .
Enkuantu Ai-funan ne’ebé negosiante sira faan iha
ekspozisaun ne’e kada vazu ida-idak ho nia presu la hanesan vazu boot presu la
hanesan ho vazu kiik ai-funan sira ne’e balu negosiante sira sosa tutan husi
maluk no balu hakiak rasik tanba ne’e
sira faan presu la hanesan.
Jornalista: Alexandre Salsina no Geraldino Magno
Editor: Geraldino Magno
0 Comments