Dili-04/08/2023,
Media Defisiensia - Cooperativa Créditu Defisiensia de Timor-Leste
relata relatoriu II asembleia jeral hodi informa ba membru kona-ba hakbi’it
ekonomia familia no promove inkluzaun social liu hosi rai no empresta osan.
Secretario
Estado Kooperativa Arcenio Perreira hatete, sei halo progresu di’ak liu tan ba
setor kooperativa sira hotu inklui kooperativa kréditu ba ema ho defisiensia
nune’e bele hakbi’it ema ho defisiensia nia ekonomia familia.
“Programa sira ne’ebe ami sei hala’o mak Sai
nafatin parseria ba iha kooperativa sira iha Timor-Leste tomak hanesan
kooperativa primaria no mós sekundaria hodi hala’o programa sira hotu husi
Nasional too ba iha baze atu nune’e bele hetan progresu di’ak liutan iha
kooperativa hotu-hotu” dehan Secretario ba jornalista RKDTL iha Hotel villa
verde.
Secretario
ne’e salienta apresia ba ema ho defisiensia ne’ebé envolve iha grupu setor kooperativa nian maske sira ho defisiensia maibé hala’o ona
sira nia atividade lubuk ida iha setor kooperativa nian. Hanesan governu
nafatin servisu hamutuk ho setor hotu-hotu hodi halo desenvolve di’ak liu tan ba
setor kooperativa nian iha Timor-Leste.
Iha
fatin hanesan Presidente Consellu Diretiva Cooperativa (CCD-TL) João Soares
Reis Pequinho hatete, Grupu kooperativa ida ne’e hari’i atu hakbi’it ema ho
defisiensia sira liu hosi rai no empresta osan, nune’e ema ho defisiensia bele
hetan lucru husi negosiu ki’ik ne’ebé sira hala’o liu hosi osan empresta iha
kooperativa ida ne’e.
“Objetivu
husi Asembleia jeral membru kooperativa kreditu defisiensia Timor-Leste maka
atu halo relatoriu husi konsellu diretiva ho konsellu fiskal ba membru, tamba
kooperativa refere kompleta ona ba tinan lima iha I asembleia nia nune’e halo
relatoriu hodi hala’o fali ba II asembleia nia ba tinan lima tan. Relata relatoriu no informa osan ne’ebé
empresta no hasai husi grupu kooperativa ne’e rasik”. Dehan Presidente CCD-TL.
Presidente
ne’e hatutan, dezafiu husi hala’o kooperativa ida ne’e mak ema ho defisiensia
rasik hala’o emprendedorismu ka negosiu liuhosi osan ne’ebe sira rai no
empresta, maske sira ho defisiensia maibé sira rasik halo negosiu ba sira nia an
liuhosi grupu kooperativa.
Presidente
kooperativa rekomendasaun ba maluk
defisiensia sira ne’ebe familia isola atu bele mai hola parte iha kooperativa
ida ne’e atu nune’e imi bele buka osan rasik no sai ema ho defisiensia
potensial bele mos ajuda imi nia familia liu hosi setor kooperativa.
Jacob
Amelia da Silva ema ho defisiensia Tilun envolve iha grupu kooperativa kreditu
hatete, agradese tanba bele hola parte iha grupu kooperativa hanesan
defisiensia tilun hakarak asesu ho di’ak durante envolve iha kooperativa nune’e
osan ne’ebe rai no empresta bele ajuda
nesesidade familia nian.
Jacob
salienta benefisiu husi kooperativa maka osan ne’ebe iha bele tau hamutuk hodi ajuda fali familia, tanba nia hanesan mane bo’ot iha uma laran nune’e bele hare fali alin sira ne’ebe eskola
maske ho defisiensia tilun maibé hala’o
atividade negosiu husi osan ne’ebe empresta hanesan fo mae halo dosi ba faan nune’e bele hetan
fali osan funan.
Entretantu
hala’o Asembleia refere hala’o iha Hotel villa verde, partisipa husi Secretario
Estado Kooperativa nomós parseiru ema ho defisiensia kooperativa sira hotu.
Jornalista
: Efifania dos Santos & Geraldino Pereira Magno
Editor : Alexandre Salsinha
0 Comments