Cornelio Maia moris ho kondisaun defisiénsia fiziku
Dili-
04/08/2023, Media Defisiensia-Cornelio Maia moris iha loron 21 fulan
Junho tinan 1991, husi Municipio Manufahi, posto-Administrativo Fatuberliu,
suco Claluc, Aldeia Webicas. Oan husi Aman Domingos Marques no Inan Ana da
Costa Maia, nia iha bin maun hamutuk (13) mane (5) feto (8) nia maka oan
terseiru husi sira nain (13). No moris
ho kondisaun defisiénsia fiziku.
Cornelio
Maia ho idade 32 presija tebes kadeira roda (kursi roda) atu ajuda netik tuur,
tanba ho kondisaun isin lolon tomak la funsiona atu hakat no liman susar foti
sa’e, loron kalan tuur de’it iha fatin.
Cornelio
sente ho kondisaun defisiénsia susar tebes atu halo atividade ruma, loron kalan
hakdasak no tur de’it iha fatin buat hotu atu hala’o presiza familia nia ajuda
hodi hit ba mai. Cornelio husi nia hanoin no hakarak atu hakat ba mai hanesan
ema seluk, maibé kondisaun ne’ebé nia iha la fó espasu hodi sai limitasaun boot
ba nia durante tinan naruk.
Momentu
Cornelio moris la ho kondisaun defisiénsia bainhira liu tiha fulan (3), hetan
moras isin manas makas nune’e nia papa ho mama hodi ba halo tratamentu iha
hospital sona aimoruk fo impaktu Cornelio sai defisiénsia too ohin loron.
Angelito
Maia Martins konta katak, hanesan alin senti triste ho kondisaun moras ne’ebé
akontese ba nia maun, tanba nia maun durante tinan naruk tur de’it iha fatin,
la iha ema ida mak tau matan ba nia hodi ajuda netik kursi roda ba nia, tanba
kursi roda ne’ebé nia uza iha momentu tinan 2012 agora aat ona. Tan ne’e iha
nia parte husu ba Organizasaun ka Asosiasaun, defisiénsia hotu atu tau matan
netik ba nia maun liuhosi apoiu kursi roda hodi bele fasilita nia ba mai.
Jornalista:
Efifania dos Santos
Editor:
Alexandre Salsinha
0 Comments