ANC FO FORMASAUN BA ESTUDANTE SIRA KONA BA DIGITAL SKILS FOR LIFE.

 

Prezidente ANC Joao Olivio Freitas

Dili-16/08/2023, Media Defisiensia - Autoridade Nasionál de Comunicasoes (ANC) realiza formasaun ho tema Digital skils for Life ba estudante sira hodi koñese klean kona ba Teknolojia Informasaun no Komunikasaun (TIk).

Iha intervista Prezidente ANC Joao Olivio Freitas hatete, tema ba selebrasaun ne'e mak Digital skils for Life, no programa refere hanesan programa Mundiál ne'ebé mak jere husi Uniaun Internasionál ba Telekomunikasaun.

"Labarik feto sira iha TIK Teknolojia Informasaun no Komunkasaun, tema ba selebrasaun tinan ida ne’e mak  “Digital Skils for life” Abilidade Digitais ba Moris ,   ninian entaun programa ida ne’e hanesan parte husi  programa ida mundial ne’ebe mak  jere husi Uniaun Internascional ba telekomunikasaun ka ITU entaun husi ITU halo ona selebrasaun iha mos nasaun membru estadu halo hotu ona dotor atcho temi Tailandia halo ba fulan tolu(3), iha Filipen halo ba semana ida Indonesia Bali halo ona nasaun Asean Pasifico sira mos halo agora mai ita Timor halo,"afirma Joao ba Jornalista sira iha salaun Timor Plaza.

Prezidente ne'e Klarifika liu tan, objetivu prinsipál mak atu aumenta tan sira nia koñesesimentu iha area espesifiku hanesan STEM.

"Objetivu principal mak melhora liu tan koñeseimentu ita nia alin feto sira ba iha area espesipiku sira ida mak STEM Siensia Teknolojia Enjeneria no Matematika no ita espera ho eventu ida ne’e bele loke mos ita nia alin feto sira hanoin oinsa bele planu ba sira nia futuru planu edukasaun ida ne’ebé mak sira hakarak foti por exemplu remata tiha secundaria ba universidade saida mak sira hakarak foti pelu menus iha koñesimentu oituan husi ita nia eventu ida ne’e, depois ba future kareira saida mak sira hakarak foti iha ida ne’e ita promove ba iha STEM ne’e.,"tenik nia.

Fatin hanesan Sekretáriu Estadu Igualdade (SEI) Elvina Sousa Carvalho hatete, husi SEI nia prejensa atu enkoraja labarik feto sira atu bele hili área estudu STEM.

Sekretariu estadu igualdade Elvina Sousa de Carvalho.

"SEI nia presensa iha ne’e  atu hodi enkoraza labarik feto sira liu-liun ohin ita selebra loron GIRLS ICT Iformation Comunication Tecnology ho ida ne’e mak SEI mai para hodi fahe informasaun mos husu para alin sira atu bele iha koragem atu bele hili dalan estudu  ne’ebé iha area Siencia Tecnologia Enjeneria Matemátika  e depois hau hatete katak ita wainhira ko'alia kona-ba ICT Infomation Comunication and Tecnology ita mos ko'alia kona-ba risku sira ne’ebé mak  Teknologia  ofrese  inovasaun ita bele hetan maibé husi risku ou risku  lubuk ida ne’e depois iha Timor mos ita bele dehan mos ita persiza  enkoraja nafatin alin feto sira hodi partisipa iha area  sira ne'e,"dehan sekretariu estadu igualdade Elvina Sousa de Carvalho.

Enkuantu liu husi formasaun sira ne'e bele eleva koñesimentu joven feto sira atu bele partisipa iha area refere.

Jornalista : Eufrosina Soares Bras

Editor : Alexandre Salsinha