Dili-16/08/2023, Média Defisiensia – Asosiasaun Defisiensia Timor Leste (ADTL) hamutuk ho
Ministeiru Solidariedade Social Inkluzaun realiza sensibilizasaun kona-ba
programa bolsa da mãe jerasaun foun ba organizasaun defisiensia sira.
Tuir
Diretor ezekutivu ADTL Cesario da Silva hatete, objetivu prinsipal mak atu
konvida MSSI nain ba programa bolsa da mae
jerasaun foun atu partisipa hodi dezamina informasaun ba maluk defisiensia sira liu-liu ba labarik ho defisiensia ne’ebé
sedauk hetan apoiu ruma husi governu kona ba
subsidiu.
“Objetivu
prinsipal mak atu konvida Ministeriu Solidaridade Social Inklusaun nain ba programa bolsa da mãe jerasaun foun
atu mai dezamina informasaun ba maluk defisiensia sira no tau matan ba labarik
defisiensia sira iha baze atu bele hola parte mos iha programa bolsa da mãe jerasaun foun”,
dehan Cesariu da Silva ba Jornalista sira iha salaun ADTL kuarta Feira ohin.
Cesario
salienta tan katak, identifika ona munisipiu balu sai tarjetu ba iha programa
bolsa da mae jerasaun foun tanba ne’e iha sensibilisaun ne’e sei akumula
organizasaun hotu atu bele partisipa hodi kontinua dezamina informasaun iha
baze ba komunidade liu-liu inan aman sira hodi bele regista labarik ho
defisiensia atu bele hetan bolsa da mãe.
“Ita
hahu husi próxima ami identifika munisipio targetu ne’ebe mak iha liu-liu
programa bolsa da mae atu bele tulun hodi identifika labarik defisiensia sira
tamba durante ne’e sei menus ba informasaun kona-ba programa bolsa da mãe,
tanba ne’e mak ami hakarak bolu hotu organizasaun defisiensia sira atu koñese
uluk lai nia prosesu no hatene uluk nia rekezitu saida depois hodi tun ba baze
halo sensibilizasaun kontinuasaun ba
komunidade ho defisiensia no inan aman sira atu bele identifika labarik defisiensia sira atu bele regista
labarik ho defisiensia nune’e bele hetan programa ne’e, tanba programa governu nian agora iha
ona baze iha munisipio hirak ne’ebe target hanesan liquica, viqueque, Ainaro,munisipio hirak
ne’e nafatin kontinua tamba ami fiar katak faze dahuluk ne’e iha Raeoa, Ainaro
Bobonaro ne’e mos ema ho defisiensia
masimu”, tenik diretor.
Iha
fatin hanesan Diretor Nasional de Asistensia Sosial Lucas Tois hatutan,
agradese ba ADTL tanba bele konvida MSSI hodi partisipa iha sensiblizasaun ida
ne’e atu desamina informasaun kona ba programa bolsa da mae foun MSSI halo ona
sosializasaun ba munisipiu hotu ne’ebé sai hanesan albun ba programa bolsa da
mae.
“Agradese ba ADTL ne’ebe konvida ami mai iha fatin ne’e, nudar meius ida Ministeriu Solidariedade Sosial Inklusaun bele desamina ka sosializa informasaun kona-ba programa jerasaun foun ne’e rasik. Ami ministeriu halo ona sosializasaun fatin hot-hotu ne’ebe sai hanesan albun ba programa orsamentu jerasaun foun iha Dili”, dehan Diretor Lucas.
Enkuantu aplikante no
benefisiariu sira ne’ebe atu hetan pagamentu iha fulan julho tinan 2023 ba
munisipiu hitu (7) ne’ebe sai albun ba area kobertura programa ne’e rasik to’o
fulan julho 2023, ministeriu registu no prosesu ona pagamentu ba aplikante
hamutuk 30.334 ne’e aplikantes numero ida ne’e kompostu husi labarik foin moris
no kompleta tinan 6 hamutuk 36.829 no inan isin rua 3.998 no labarik
defisiensia hamutuk 130 ne’e atu hetan ona pagamentu elizibel iha fulan julho maibe dadus no progresu lao nafatin
online husi munisipiu hitu hanesan Raeoa, Bobonaro, Ainaro, Liquica, Manatutu, Covalima
no Viqueque sira ne’e hotu tama iha pagamentu.
Munisipiu
hirak ne’ebé hetan pagamentu benefisiariu ne’ebé oferese liu husi
responsabilidade agensia Ministeiru halo akordu koperasaun ho ajensia telcomsel
tv telekomunikasaun digital agora halo pagamentu ba Munisipiu Ainaro, Raeoa no
Bobonaro , no ajensia telemor liu hosi
mosan halo pagamentu ba Munisipiu Manatuto, Liquica, Viqueque no
Covalima.
Jornalista:
Geraldino P. Magno no Pascoal de Jesus.
Editor:
Alexandre Salsinha
0 Comments