UNFPA SERVISU HO GOVERNU BELE REDUS MORTALIDADE INAN ISIN RUA IHA TL.

 

Prezidenti UNFPA Pressia Arifin Cabo

Dili-26/07/2023, Media Defisiensia- prezidenti UNFPA ho nia ekipa hasoru malu ho Prezidenti Repúblika Jose Rmos Horta hodi ko’alia kona ba oinsa atu redus inan isin rua ne’ebé mate barak iha Timor-Leste.

Iha intervista Prezidenti UNFPA Pressia Arifin Cabo hatete, objetivu hasoru malu ho PR hodi husu apoiu atu kolabora hamutuk iha area Saúde nian atu bele redus mortalidade inan sira nian.

“ohin ami mai atu hasoru Prezidenti Repúblika Jose Ramos Horta ami iha inisiativa bot ne’ebé ami hakrak hato’o ba Prezidenti atu husu ninia apoiu atu kolabora iha area Saúde maternal ou saúde inan nian, tanba ita hare ba ita nia numeru mortalidade ne’e inan ne’ebé as teb-tebes iha regiaun sudeste asiatiku ita nia numeru inan ne’ebé mate bainhira isin rua no tur ahi ne’e agora dadaun ne’e sentu noventa sinku por cein mil nacidos vivos, agora UNFPA hakarak atu apoiu ita nia Governu atu halo servisu makas atu bele redus mortalidade inan sira,” informa  Prezidenti UNFPA Pressia Arifin Cabo.

Prezidenti ne’e afirma, UNFPA hakarak hadia kualidade atendimentu servisu ba inan sira ne’ebé tur ahi.

“Programa lubuk ida ne’ebé UNFPA halo ida maka hadia kualidade antes natal no kuidadu poso natal fasilidade Saude iha Timor laran tomak, segundu hakrak hadia kualidade atendimentu servisu ba inan sira ne’ebé tur ahi ho servisus bolu kuidadu emerzensias obstekliku no neon natal servisu sira ne’e hotu bainhira halo ho kualidade sei bele ajuda atu redus mortalidade inan iha rai ida ne’e,” hatutan Prezidenti UNFPA.

Nia hatutan, TL ba oras ne’e inan isin rua ne’ebé partus iha fasilidade Saúde ho 47% no sira ne’ebé partus iha uma 57%.

“Ita iha problema ida seluk ba hanesan inan sira ne’ebé tur ahi, iha Timor-Leste inan sira ne’ebé tur ahi iha fasilidade Saúde ne’e iha 47% de’it, entaun 53% ne’e tur ahi hela iha uma ho risku atu mate sira ho sira nia bebe, entaun agora dadaun UNFPA halo hela esforsu bot ida atu eleva sentru Saúde hamutuk (36) atu sai hanesan sentru ne’ebé fornese atividade emerzensia obstetiklu neon natal, ita Eleva ona fasilidade 4 iha Timor no falta tan 32,” hakotu nia.

Jornalista : Alexandre Salsinha

Editor : Alexandre Salsinha