MSSI KLARIFIKA KONA BA SUBSIDIU DEFISIENSIA NO IDOZU NE’EBÉ AUMENTA

 

Diretor Diresaun Nasional Promosaun Direitu ba Ema ho Defisiensia Mateus da Silva

 Dili; 26/07/2023, Media Defisiensia-Ministerio Solidaridade Social Inkluzaun deklara ba publiku katak orsamentu ba ema ho defisiensia no idozu sira sei simu subsidiu hanesan tinan iha tempu badak maibe orsamentu mantei nafatin laiha mudansa.

iha intervista ba jornalista Media Defisiensia Diretor Diresaun Nasional Promosaun Direitu ba Ema ho Defisiensia Mateus da Silva hatete, iha informasaun ne’ebe antes nia deklara ne’e hanesan planu ba tinan oin nian no orsamentu ba EhD no idozu ne’e sei la mudansa sei mantein nafatin hanesan tinan-tinan.

“tuir informasaun ne’ebé uluk hau fo ne’e katak atu aumenta 7 dolar mais na realidade la bale, ida ne’e karik hare ba tinan oin 2024, ne’ebé agora dadauk maluk Defisiensia sira no idozu ferik katuas sira iha Diretiu para atu simu de’it 50 dolar,” informa Diretor Mateus da Silva.

Diretur ne’e hatutan, INSS halo ona proposta orsamentu ba iha 13 miloens par atu hare kona ba orsamentu ne’ebé mak atu aumenta.

“husi INSS halo ona proposta orsamentu ba iha 13 miloens para atu hare kona ba orsamentu ne’ebé mak atu aumenta ne’e, maibe tanba osan iha hela entaun la presiza ona halo proposta atu hetan orsamentu ratifikativu ninian entaun ita lao ho orsamentu ne’ebé mak agora iha karik aumenta ne’e tinan oin,”

Entretantu orsamentu ba oras ne’e iha ona, maibé data ba halo pagamentu mak seidauk los.

Jornalista : Alexandre Salsinha & Geraldino Magno

Editor : Alexandre Salsinha