Espesialista Saúde Sexual Reprodutiva Sergio Esperança
Dili-26/07/2023,
Media Defisiensia- populasaun Timor-Leste ba oras ne’e seidauk iha koñesimentu
kona ba oinsa prevene an husi moras HIV.
Ba
jornalista sira Kuarta Feira ne’e Espesialista Saúde Sexual Reprodutiva Sergio
Esperança hatete, problema moras HIV iha TL populasaun barak mak seidauk hatene
kona ba moras refere, ho ida ne’e mak UNFPA servisu hamutuk ho Ministeriu Saúde
TL hodi bele redus.
“problema
HIV iha Timor-Leste mak maioria populasaun la iha koñesimentu kona ba HIV,
koñesimentu ne’ebé los, dala barak mak hare iha facebook maibé informasaun iha
ne’ebá lalos ho ida ne’e UNFPA nia papel iha Timor-Leste servisu hamutuk ho
Ministeriu Saúde para atu garante katak ema hotu iha informsaun ne’ebé di’ak ne’ebé
los kona ba saida mak HIV oinsa atu prevene HIV no oinsa atu transmite ho
didiak, ita mos halo servisu ho Agensia no Organizasaun naun Governamental iha
Timoe-Leste para hapara ka redus stigma no diskriminasaun ba ema ne’ebé moras
HIV,” Dehan espesialista UNFPA Saúde Sexual Reprodutiva Sergio Esperança.
espesialista
UNFPA Saúde Sexual Reprodutiva ne’e hatutan, dalan atu preneve HIV mak tenki
uza Condong ou preservativu bainhira halo relasaun sexual.
“iha
dalan barak mak atu bele prevene HIV, maoria transmisaun HIV iha Timor-Leste no
mos iha nasaun seluk ne’ebé mak liu husi relasaun sexual entaun iha dala ida
de’it ne’ebé ema hotu bele uza atu prevene HIV liu husi relasaun sexual mak tenki
uza Condong ka preservativu, klaru ke iha dalan seluk, maibé ita tenki foku
maneira principal atu transmite HIV iha Timor liu husi relasaun sexual,” hakotu
nia.
Entretantu
lia ne’e hato’o bainhira UNFPA hasoru malu ho prezidenti Repúblika Jose Ramos Horta
iha palasiu Presidensial Aitarak Laran Bairu Pite Dili.
Jornalista
: Alexandre Salsinha
Editor : Alexandre Salsinha
0 Comments