CNR HABELAR INFORMASAUN NO HASA’E KUALIDADE MORIS BA EHD

 
Dili; 27/07/2023, Media Defisiensia- Centro Nasional de Rehabilitação realiza sensibilizasaun hodi habelar informasaun no hasa’e kualidade moris ba ema ho defisiensia iha Timor- Leste atu nune’e labele husi ema ida iha kotuk tanba ema hotu iha direitu hanesan.

Tuir Diretora Jerál Centro Nacional de Rehabilitasaun Maria Santina de Jesus Gomes hateten atividade sensibilizasaun ida ne’e hodi fahe informasaun sira ba ema hotu, nune’e bele hasa’e kualidade moris ema ho Defisiensia nian iha futuru.

Diretora Jerál Centro Nacional de Rehabilitasaun Maria Santina de Jesus Gomes

“Objetivu husi Sensibilizasaun ida ne’e atu identifika ema ho defisiensia no habelar servisu CNR nian ba iha sosiedade, sensibilizasaun ida ne’e atu habelar informasaun no papel CNR nian nune’e komunidade iha munisipiu bele hatene servisu CNR nian. CNR ne’e hanesan centro rehabilitasaun ida CNR nia area atu oferese no halo atendimentiu espesializadu iha parte rehabilitasaun ba Ema ho Defisiensia tanba sosiedade barak mak sedauk hatene atividade husi CNR nia atu halo atendimentu ba Ema Defisiensia”. Dehan Diretora iha salaun Ministerio Transporte e Comunicacão.

 Diretora ne’e salienta CNR iha departamentu klinikal neen fó adentimentu ba ema ho defisiensia mak hanesan departamentu CVAR nia knar halo sensibilizasaun no fahe informasaun ba EHD hodi hetan atendimentu ne’ebé diak, departamentu Pc Terafia Kanar Atu Haree Ba Ema Nia Kondisaun Moras Estruk, Terapia Profisional Hare Ba Ema Nia Kondisaun Sui-Fuuk No Bokan La Diak, Departamentu Koalia, Produsaun Liman Falsu No Produsaun Kadeira Roda. Bainhira halo asesmentu hafoin bele asesu ba kadeira roda no liman falsu maibe CNR sei halo observasaun molok asesu ba fasilidade sira CNR oferese.

Mensajen husu ba maluk defisiensia sedauk hetan oportunidade favor hakbesik aan ba CNR hodi bele hetan oportunidade no fasilidade sira tanba CNR presta atendimentu ba ema ho defisiente no lahusik ema ida iha kotuk tanba servisu hamutuk maka bele halo dezenvolvimentu iha Timor-Leste.

Iha fatin hanesan Administradór Posto Administrativo Vera Cruz Manuel Gusmão hatete agradese ba CNR tanba bele realiza atividade sensibilizasaun ida ne’e  ba komunidade sira liul-iu lideransa komunitária sira atu bele habelar  informasaun ba komunidade sira kona-ba ema ho defisiénsia nian.

Administradór Posto Administrativo Vera Cruz Manuel Gusmão

“Durante ne’e ita hatene katak ita iha lei ne’ebé hodi protese maluk defisiensia sira tanba ita sedauk halo sensibilizasaun ho diak tanba ne’e maka ita nia komunidade balu sempre utiliza termonolojia ladun di’ak hodi komunika ba maluk defisiensia sira ho atividade sensibilizasaun ne’e hodi minimiza liafuan sira ne’ebé la merese bolu maluk defisiensia sira ho sensibilizasaun ne’e ita bele redus ona termonolojia sira ne’e ba ema ho defisiensia”. Hatutan Administradór Posto Vera Cruz.

Mensajen ba maluk timor oan sira hotu katak tempu to’o ona labele halo diskriminasaun ba ema ho defisiensia tanba sira mós hanesan ho ita ho nune’e ita labele husik sira iha kotuk tenke halibur sira iha prosesu dezenvolvimentu Timor-Leste nian.

Jornalista: Geraldino P. Magno no Pascoal N. de Jesus.

Editór: Alexandre Salsinha