Dili; 24/07/2023, Media Defisiensia-Presidente
Repúblika José Ramos Horta hala'o enkontru ho Ministru Estranjeiru singapura
nian hodi kolia kona ba asuntu lubuk ida ne'ebé Timor-Leste no Singapura sei
explora hamutuk iha futuru.
Tuir Ministru Estranjeiru Singapura Vivian Balahkrisnan
hatete, Singapura hakarak fo apoiu partikularmente ba TL hodi servisu ba
programa Maternidade ka inan isin rua sira no labarik.
“Loloos ha'u la halo pres konferênsia tanba ha'u sei iha
enkontru ida tan ho Xefe Governu. Ha'u hakarak de'it katak ida ne'e hanesan
previleju bele halo enkontru ho Prezidente Repúblika José Ramos Horta ne'ebé
sai belun di'ak ba povu Singapura no iha kolega no apoiu barak iha Singapura,
partikularmente iha servisu sira ba programa maternidade ka inan isin rua no
labarik ne'ebé Xefe Estadu halo daudauk
ba Timoroan sira,” informa Ministru Estranjeiru Singapura Vivian Balahkrisnan.
Ministru ne’e hatutan, TL ba oras ne’e sai hanesan
observasaun permanente ba iha ASEAN, nune’e mos hanesan oportunidade ida atu
servisu hamutuk ho povu TL.
Timor
Leste hanesan observadór permanente ba organizasaun rejionál ASEAN nian no Xefe
Estadu haree daudaun ba tinan 50 oin mai, ba prosesu dezenvolvimentu tuir mai
ba Timor Leste. Ami halo diskusaun no konversa ida klean kona-ba asuntu lubuk
ida ne'ebé Timor Leste no Singapura sei explora hamutuk iha futuru.
Ha'u
previleju no sente onradu iha ne'e, no ha'u hanoin katak oportunidade ida ne'e,
hanesan tempu ne'ebé kapás atu servisu hamutuk ba povu Timor Leste.
Jornalista:
Alexandre Salsinha
Editor:
Alexandre Salsinha
0 Comments