GOVERNU LA TAU IMPORTANSIA BA EhD TANBA SUBSIDIU TARDE

 Teresina da Grasa hanesan Defisiensia Tilun

Dili-24/07/2023, Media Defisiensia- Teresina da Grasa hanesan Defisiensia Tilun la satisfas ho subsidiu ne’ebé Governu Aprova ona maibé ba tinan ne’e sira hetan tarde.

Tuir nia parte  hatete, sente Governu la tau importansia ba Ema ho Defisiensia tanba subsidiu ba tinan ne’e tarde.

“Governu seidauk tau importansia ba Ema ho Defisiensia liu-liu kona ba subsidiu ne’e rasik, dala ruma ami hein kleur demais, liu fulan 6 bele ba to’o fulan 8 ou 9 tan mak ami foin simu subsidiu ne’e,” dehan Terejina da Grasa.

Nia husu ba governu atu fo data fiksu ba subsidiu ne’ebé iha atu nune’e la bele prejudika ba sira nia tempu hodi hein subsidiu refere.

“hau rekomenda ba governu karik ami hetan subsidiu ne’e iha tenki fo data ne’ebé mak los ba Ema ho Defisiensia no idozu sira, dala ruma ami ba sena malu ho avo sira halo ami mos la dun konfortavel, ”hakotu nia.

Diretur Diresaun Nasional Promosaun Direitu ba Ema ho Defisiensia Mateus da Silva

Sorin seluk Diretur Diresaun Nasional Promosaun Direitu ba Ema ho Defisiensia Mateus da Silva hatete, pagamentu subsidiu ba idozu no EhD nian sei hein orsamnetu ratifikativu nunu Governu nian.

“subsidiu ba ferik katuas no ema Defisiensia sira lolos ne’e ita halo pagamentu iha fulan ne’e maibé tanba transisaun governu entaun hare ba orsamentu ne’ebé mak presiza atu aumenta ho ida ne’e ita hein orsamentu ratifikativu nunu governu, no pedidu ne’e mos sei hato’o ba exelensia Prezidenti da Repúblika bainhira promulga hafoin bele halo pagamentu.

hau hanoin husi dekretu lei numeru 19/ 2008 aprova ona subsidiu kona ba invalides no ferik katuas sira liu husi alterasaun primeiru iha lei numeru 30/2021 primeiru alterasaun ba dekretu lei numeru 19/ 2008 no mos ho diploma ministerial entre MSSI ho Ministeriu Finansas kona ba subidiu, tanba ita hotu akompaña subsidiu ne’e uluk 30 dolar liu husi dekretu lei numeru 30/ 2021 aumenta tan dolar 20 ba dolar 50, no mos liu fali husi diploma Ministerial ida ne’ebé mak kria hamutuk ho MSSI no Ministeriu Finanasas hodi aumenta tan 7 dolar hamutuk 57 dolar,” tenik diretur iha knar fatin MSSI Caicoli Dili.

Jornalista : Ermenciana & Geraldino P. Magno

Editor : Alexandre Salsinha