Imajen: Formador Orlando Tilman Nunes
Dili-18/07/2023-Media Defisiensia, Assosiasaun Halibur
Defisiensia Matan Timor-Leste (AHDMTL) hahu loke hikas kursu komputador hodi
fasilita maluk Defisiensia Matan sira atu aprende hodi aumenta sira nia
kapasidade iha Futuru.
Iha
intervista formador Orlando Tilman Nunes hatete, kursu refere foin abertura iha
10 fulan jullu 2023 iha segunda semana kotuk liu ba ne’e.
“formasaun
ida ne’e ita abertura iha dia 10 de jullu 2023 iha segunda semana kotuk ita
halo komunikasaun entre estrutura ezekutivu AHDMTL no iha momentu sira komunika
hau hakarak atu fo formasaun komputador baziku ba membru ema ho Defisiensia
Matan sira ne’ebé mak ativu iha AHDMTL” katak Formador Orlando Tilman Nunes iha
office AHDMTL Manleuana.
Formador
ne’e hatutan, materia ne’ebé hanorin ona mak fo koñesimentu ba ekipamentus husi
komputador nian no sira mos dekor ona Tekla sira atu bele hakat ba word hodi
bele hakerek.
“iha
Tersa semana kotuk ita fo modul ba partisipante sira no sira konsege hakerek
remata iha sesta foin lalais ba no hahu segunda horseik hodi mai to ohin tama ba
iha pratika oinsa mak bele dekor Tekla ka komponente asesor sira komputador
ninian inklui sira dekor ona Tekla sira antes ita tama ba iha programa word atu
hakerek buat ruma dahuluk ita tenki koñese uluk Tekla ka keyboard,” tenik
formador ne’e.
Imajen Formandus Florabela dos Santos Paiceco
Iha
fatin hanesan reprezentante Formandus Florabela dos Santos Paiceco nia parter
senti formasaun refere importante tebes atu bele kapasita no aumenta sira nia
abilidade iha area komputador nian atu bele hala’o servisu di’ak iha futuru.
“formasaun
komputador ne’e maske difisil mabé formasaun ida ne’e importante los mai ita
atu bele komprende klean liua tan para oinsa atu utiliza komputador hodi halo
servisu, no mos liu husi formasaun ida ne’e bele kapasita bele aumenta tan ema
ho defisiensia matan ninia abilidade iha area komputador hodi bele halao
servisu iha futuru ho di’ak,”tenik reprezentante Formanda Florabela dos Santos
Paiceco.
Entretantu
total formandus iha formsaun ne’e hamutuk nain tolu nulu (30), no durasaun ba
iha formasaun refere fulan rua.
Jornalista
: Alexandre Salsinha
Editor : Alexandre Salsinha
0 Comments