Dili-17/07/2023-Media Defisiensia, fokupers hala’o seminar no lansamentu relatoriu ba tinan 3 nian hodi selebra mos aniversariu ba dala XXVI (26).
Iha
intervista ba Jornalista sira iha salaun centru João Paulo II Comoro Diretora
Exekutiva FOKUPERS Maria Fátima Pereira Guteres hatete, durante ne’e vitima
barak mak susesu ona iha sira nia moris.
“ami
nia susesu sira mak vitima sira nia susesu tanba ne’e mak susesu ida ne’ebé mak
iha sei hare rejultadu sira husi vitima sira nian ne’e fokupers nia susesu
entaun fokupers nia susesu mos ba la bele ses husi parseiru sira nia
kontribuisaun ne’ebé durante ne’e suporta fokupers nia misasaun to’o ohin
loron, to’o ami konklui ami nia aniversariu 25 no ohin ami loke pajina foun ba
iha 26 nian,” katak Diretora Exekutiva FOKUPERS Maria Fátima Pereira Guteres.
Diretora
ne’e hatutan, durante tinan 3 numeru ba vitima hamutuk 800 mak hetan ona
asistensia husi fokupers.
“Sim
hau hanoin kona ba numeru susesu ita la kolia deit kona ba numeru maibé
importante liu mudansa bo’ot saida mak sira halo iha sira nia komunidade hafoin
sira fila fali ba sira nia familia no sira nia komunidade husi uma mahon,
entaun atu dehan deit numeru ba iha durante tinan 3 husi 2020 to 2022 ne’e kuaze
vitima nain 800 ne’ebé hetan asistensia fokupers ninian,” informa diretora
ne’e.
Nia
informa tan, vitima hirak ne’e ho tipu la hanesan, mak balu Violensia Fizíku, Abandona,
Violensia Seksual inklui insestu.
“Sim
vitima sira ne’ebé ita bot sira hatene katak fokupers nia misaun mak hare liu
ba asuntu Violensia Bazeia Ba Jéneru entaun vitima sira ne’ebé asesu mai iha
uma mahon no mos servisu antendimentu hotu fokupers nian ne’e vitima sira
ne’ebé ho natureza Violensia Bazeia Ba Jéneru sira ne’e inklui ona Violensia
Fizíku ne’ebé komete husi laen sira depois Violensia Seksual inklui insesu no
Abandona husi kazu sira ne’e hotu nune’e numero ne’ebé bo’ot liu ne’e nafatin
ho Violensia Fizíku ne’e ita bele hanaran Violensia Fizíku ne’ebé komete husi
sira nia laen ho parseira sira tuir mai kedas mak numeru Abandona hafoin mak
ita iha tan kazu sira hanesan Violensia Seksual no mos insestu,” Tenik nia.
Nia
husu atu servisu hamutuk iha parte hotu atu bele minimiza ba kazu hirak ne’e.
“hau
hanoin atu minimiza ne’e laos servisu fokupers nian ne’e atu dehan kazu sira
Violensia Bazeia Ba Jéneru Violensia domestika ne’e asuntu sosial, entaun nia
iha ligassaun entre asuntu ida ho asuntu seluk nune’e fokupers laos nia misaun
atu bele responde ba ida ne’e maibe ne’e servisu komun ne’ebé presiza ita hotu
nia esforsu tanba ida ne’e sai hanesan komprimisiu estadu ninian entaun ita
hotu tulun estadu tanba ita parte ida husi estadu ida ne’e ita hotu hamutuk atu
responde ba ida ne’e,” hakotu nia.
Entretantu
partisipa iha atividade ne’e ALFELA, no SEI.
Jornalista
: Alexandre Salsinha & Eufrosina
S. Brás
0 Comments