EZAME PAP MAK DETERMINA KUALIDADE ESTUDANTE SIRA NIAN

 

Dili-09/09/2025-Média Defisiensia, estudante finalista Ensinu Sekunádaria Téknika Informátika  Ahisaun Santo Antonio Metinaru (ESTICA) realiza ezame Provas Aptidaun Profisional (PAP) ba dala VI molok hakat ba Ezame Nasionál iha tinan ne’e.

Iha intervista Diretur ESTICA David Marcal hatete, ezame pap hanesan tes eskil estudante sira nian ne’ebé aprende durante tinan 3 nia laran iha eskola refere.

“loron ida ohin ne’e ami ezame provas aptidaun profisional ida ne’e hanesan tes skil ba estudante sira aprende tinan 3 nia laran, entaun ami hetna rekomendasaun husi parte Ministeriu Edukasaun katak, tekbok hotu-hotu iha timor laran ne’e ninia programa ka ninia atividade husi kurikulum nian ne’e mak PAP, tenik David Marcal iha Metinaro 08/09.

Iha fatin hanesan reprejentante setudante finalista Juvinal Soares Neves senti kontenti tanba esforsu durante tinan 3 ohin finalista ona ezame PAP, no liu ezame ne’e bele aplika iha futuru.

“ha’u senti kontenti tanba ha’u durante ha’u esforsu tinan barak ohin loron ha’u bele finaliza ha’u nia ezame PAP ida ne’e.   Izame PAP ida ne’e sai hanesan buaty foun ida mai ha’u, liu husi materia ka matenek ne’ebé professor sira transferensia mai ami mak ohin loron ami hatudu ami nia skil ka ami nia mateken iha Ezame PAP ida ne’e,” tenik nia.

Nune’e Konsellu Inan Aman Alfredo Soares Fernandes, hanesan reprejenta inan aman apresia tebes tanba eskola tekbok bele forma estudante sira bele brani hamriik iha oin hodi implementa saida mak sira hetan durante iha eskola no iha fatin estajiu.

“ohin ezame PAP ne’e senti kontente tanba eskola ESTIKA ne’e bele ezame tan ba dala 6, hahú husi tinan mai ne’e hanesan la’o hader la’o hader, mais nafatin metin tanba professor sira mai ho kualidade, prosesu aprendisajem la’o ho di’ak tuir duni periodu ne’ebé mak deside ona tanba iha ne’e eskola tekvok importante liu mak ezame PAP, kuandu ezame PAP o la halo ne’e o la hetan rejultadu ne’ebé di’ak oinsá ezame Nasionál. Ha’u kontente tanba ha’u hare estudante sira nia aprejentasaun ne’e sira iha memtalidade ne’ebé di’ak bele hamriik iha oin sente katak n ia mak matenek liu,” nia hakotu.

Enkuantu total estudante finalista ne’ebé tuir ezame PAP ba tinan ne’e hamutuk 15, no iha ezame ne’e hetan partisipasaun husi Reprejentante Dosiente husi UNITAL, no inana aman husi estudante sira.

Jornalista       : Alexandre

Editór             : Média RKDTL