APC REALIZA WORKSHOP JESTAUN DEZASTRE IHA TL HO U.S ARMY DURANTE LORON 3

 

Dili-10/09/2025-Média Defisensia, Autoridade Protesaun Sivil (APS), realiza workshop durante loron tolu hamutuk ho forsa United States of America, atu fahe ideia hamutuk relasiona jestaun dezastre no fó asistensia umanitaria ba dezastre iha Timor-Leste.

Sekretariu Estadu Protesaun Sivil (SEPS) Domingos Mariano Reis, hatete objetivu atu responde ba dezsatre iha TL, ohin presensa iha ne’e komandante husi Forsa Estadus Unidus America mai Timor sira nia programa ida hanaran Kooperasaun Sivil Militar ba jestaun dezastre iha TL nian hodi fó formasaun no hato’o ideia hamutuk nune’e bele responde ba dezastre sira bainhira akontese.

“Ita halo workshop loron tolu oinsa atu hasa’e kapasidade no koñesimentu ba lideransa sira atu mobiliza rekursu sira, hodi halo preparasaun no resposta ba rekoperasaun ba vitima sira hetan risku dezastre iha TL. Tanba ne’e husi worshop ne’e bele hasa’e sira nia konesimentu kona-ba jestaun lideransa halo mobilizasaun no komunikasaun entre parseiru no instituisaun hodi halo preparasaun ba resposta emerjensia iha rai-laran”, Dehan SPC iha Hotel Hilton Fatuhada Dili, 09/09.

SEPC akresenta tan, workshop ne’e oferese ba partispante husi kargu xefia sira  bainhira akontese dezastre ruma sira nia komunikasaun labele faille, tanba ita iha referensia akontese iha 4 abril 2021 bee sa’e ita lakon dedolar 45 miloes ne’e relatoriu husi Banku Mundial no ita lakon sidadaun nain 45 kauza husi dezastre naturais.

Iha Fatin hanesan Xefe Kooperasaun Defesa, Major, U.S Army Sergio Villarreal, agradese ba Sekretariu PC no governu Timor-Leste bele autoriza sira, hodi fó formasaun, hato’o ideia ba malu no jestaun dezastre nian iha TL.

“Ha'u agradese tebes ba Sekretariu PC no governu iha ne'e no Timor-Leste , ne'ebé fó lisensa ba ami atu hala'o workshop iha komunidade profisionál jestaun dezastre nian, ne'ebé ami halibur ona iha ne'e. ami sei ko'alia kona-ba kombinasaun ideia, aprende ba malu, oinsá organizasaun ida-idak jere jestaun no resposta ba dezastre. Ami planeia atu harii moris-di'ak sosiál iha Timor-Leste no integra iha kuadru jestaun dezastre rejionál nian, nune'e ita bele servisu hamutuk iha tempu asidente. Ha'u hein atu servisu hamutuk iha semana ida-ne'e, husi semináriu ne'e atu hetan esperiénsia no observasaun hirak-ne'e, no ami aprende husi ajénsia protesaun sivil sira, kona-ba sira-nia abilidade no misaun no papél atu responde ba dezastre naturál sira”, Salienta Xefe Kooperasaun Defesa U.S. Army

Tuir Partispante EhD Ameta Pic dehan, sente kontente bele hola parte iha workshop ne’e sei hato’o ideia relasiona ho dezastre iha rai-laran no jestaun lideransa halo mobilizasaun no komunikasaun iha baze ba ema hotu ho inkluzivu.

“Sente kontente tanba workshop refere oinsa atu fó apoiu umanitaria liga liu ba iha dezastre ami sente diak, tanba bele hola parte iha atividade ne’e hodi tau ideia balun. Nune’e ba future akontese dezastre ami mós iha hanoin ona oinsa atu bele apoiu di’ak liu ba EhD iha TL tanba durante ne’e ami servisu ona ho APC hodi responde emerjensia ba vitima dezastre sira liuliu ba EhD”, Tenik Partisipante Ameta.

Jornalista : Geraldino Magno

Editor       : Média RKDTL