APC REJISTU EMA IDA MATE NO UMA 42 HETAN ESTRAGUS HUSI DEZASTRE NATURAIS

Dili-08/09/2025-Midia Defisiensia, Autoridade Protesaun Sivil iha loron 25 fulan Agusto-01 fulan Setembro tinan ne’e, durante semana ida, PC rejistu familia uma-ka’in hamutuk 42 hetan estragus husi dezastre naturais ne'ebé akontese iha munisipiu Hitu (7).

Xefe Relasaun Externa no Komunikasaun APC, Nelson de Jesus Orleans hatete, durante akontesementu dezastre iha munisipiu 7, APC registu uma latama kriteria apoiu de’it emerjensia uma 23 no numeru uma ne’ebé priense kriteria ka afetadu hamutuk 21, nune’e APC munisipiu apoiu kedas emerjensia ba vitima sira ne’ebé hetan dezastre.

"Durante semana ida nia laran iha munisipiu 7 Autoridade Protesaun Sivil, Sekretariu Estadu Protesaun Sivil rekolla xefi familia uma-ka’in hamutuk 21 hetan estragus husi dezastre naturais, apoiu de’it emerjensia 23 ne'ebé akontese ba ema afetadu 242 no evakua 37", Dehan Xefe Relasaun Externa no Komunikasaun APC Kaikoli, Dili 01/09.

Xefe Relasaun Externa no Komunikasaun APC hatutan, iha munisipiu 7 mak APC rekolla uma estragus 42 hetan estragus husi, anin sobu uma 31, ahi han uma 11, mate 1 no kanek 1 durante dezastre ne’ebé akontese iha semana ida nia laran hahu loron 25-01 fulan Stembro.

"Munisipiu Hitu ne'ebé hetan estragus hanesan Munisipiu Baucau, Post Venilale, Suku Bamori, anin sobu komunidade nia uma ida. Suku Uma Laulo, anin sobu komunidade nia uma ida. Fatin Vemasse, Suku Vemase, ahi han komunidade nia uma ida no tama kategoria aat totál. Fatin Baucau-villa, Suku Wailili, Anin sobu komunidade nia uma ida, kategoria no kama ne'ebé loos, Suku Samalari, Anin sobu komunidade nia uma ida. Post Quelicai, Suku Abavala, anin sobu komunidade nia uma ida. Suku abavala, anin sobu komunidade nia uma ida. Suku Gurusa, ahi han komunidade nia uma 1 kategoria aat totál. Suku Gurusa, aldeia Lakulela, anin sobu komunidade nia uma 2 kategoria a'at kaman no uma ida tama kategoria a'at naton. Saku Gurusa, anin sobu komunidade nia uma 1 kategoria aat. Suku Mamalel, ahi han komunidade nia uma 1 kategoria aat, Suku Bualale, Anin sobu komunidade nia uma 1 no uma ida tama kategoria a'at kaman Suku Maluru, Anin sobu komunidade nia uma 1 no uma ida tama kategoria a'at kaman. Suku laisurulai, Anin sobu komunidade nia uma 1 kategoria aat. Postu Baguia, Suku Afolikal, anin sobu komunidade nia uma 10 no tama, Suku Afolikal, anin sobu konsunidade nia uma 5, Suku Afolikai, anin sobu komunidade nia uma 2”.

“Munisípiu Bobonaro, Posto Cailacu, Suku Melingo, Ahi han komunidade nia uma 1, Nivel estragus att total. Vitima evakua ba vizinho sira. Mali post, Suku Raifun, Ahi han komunidade nia uma 1, Nivel estragus att total. Vitima evakua ba vizinho sira. Soku Lahomea, Ahi han komunidade nia uma 1, Postu Bobonaro, Suku Tebabui, Anin sobu komunidade nia uma 1. Dili, Postu Kristu Liurai, Suku Becora, Ahi han komunidade nia uma 1. Postu husi Metinaru, Suku Duyung, Anin sobu komunidade nia uma 1. Ermera, Postu Ermera, Suku Estadu, Ahi han komunidade nia uma 1, Nivel estragus att Total. Lautem, Post Luro, Suku luro, Ahi han komunidade nia uma 1. Nivel estragus att Totál. Manatuto, Post Laclo, Suku Uma Caduak, ahi han komunidade nia uma 1 maibe hetan deit apoiu emergensia tanba uma to'os. Munisípiu Viqueque, Post Bone, Suku Uabobo, Ahi han komunidade nia uma 1, Kauja husi serkuit elektrisidade rejulta vitima ho naran Rosito Da Silva Ximenes Idade 70 anos hetar kanek iha parte isin lolon ho liman, Nivel uma estragus att total. Suku Ossu De Cima, Aldeia Uma An - Ico, iha loron 27/08/2025 Akontese Vitima Ho naran Nadia Monteiro ho idade 18 anos Tara an, mutivu ba vitima tara an seidauk hatene klaru maibe tuir kronologia vitirna sai husi uma iha loron 26/08/2025 lafila mai uma hodi nune familia vitima buka tuir lahetan, iha fali loron 27/08/2025 oras 14:00 hetan vitima nia mate isin ho kondisaun tara an”, Tenik Xefe Relasaun Externa no Komunikasaun APC

Entretantu, vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira  iha munisipiu ida-dak apoiu aihan no la’os aihan, no komandu operasional protesaun sivil  iha munisipiu sira, sei kontinua halo levantamentu dadus ba uma-ka’in ne’ebé hetan estragus makas no ne’ebé hetan estragus naton.

Jornalista : Geraldino Magno

Editor       : Média RKDTL