Dili-16/07/2025-Média Defisensia, Prezidente Republika Demokratika Timor-Leste José Ramos-Horta, hahu viajen ba Guiné-Bissau hodi partisipa iha XV Konferénsia ba Xefe Estadu no Governu Komunidade País sira Lian Portugés (CPLP).
“Simeira
ne’ebé hala’o iha prezidénsia Sua Exelénsia Jenerál Umaro Sissoco Embaló,
Prezidente Repúblika Guiné-Bissau, marka aniversáriu CPLP ba dala 29 ho sentru
iha tema “CPLP no Soberania Alimentár mak dalan ida ba dezenvolvimentu sustentável”.
Líder sira CPLP nian sei diskute dezafiu urjente sira, inklui kooperasaun rejionál,
seguransa alimentár, noreziliénsia ekonómika”, Dehan PR liuhusi Komunikadu
Imprensa, iha Jakarta, 15 /07.
Prezidente
Republika hatutan, sei partilla Timor-Leste nia kompromisu ba multilateralizmu,
hodi afirma mós soberania alimentár la’ós de’it imperativu ekonómiku ho lian no
istória hanesan.
“Soberania
alimentár la’ós de’it imperativu ekonómiku ida maibé morál ida. Nu’udar
komunidade ida ne’ebé kesi ho lian no istória hanesan, CPLP tenke defende
agrikultura sustentável, fó kbiit ba agrikultór ki’ik sira, no asegura katak
laiha Estadu-membru ida mak husik hela iha kotuk iha ita-nia hakarak hodi atinji
ba dezenvolvimentu ekuitativu”, Tenik PR.
Entretantu,
rezultadu principal husi Simeira ne’e inklui Adosaun Deklarasaun Bissau,
reforsa kompromisu CPLP nian ba soberania alimentár no reziliénsia klimátika,
Eleisaun Guiné-Bissau nu’udar Prezidente Pro Temporeb CPLP nian (2025-2027).
Aprezentasaun Prémiu “José Aparecido de Oliveira” ba distintu xefe sira, inklui
eis-Prezidente mosambikanu Joaquim Chissano, nomós sei hala’o enkontru
bilaterál sira, hodi hametin Timor-Leste nia parseria sira iha komérsiu,
edukasaun, no sustentabilidade ambientál iha mundu luzófonu, hodi konklui PR
nia vizita iha Guiné-Bissau iha loron 19 fulan-Jullu tinan ne'e.
Jornalista : Geraldino Magno
Editor : Média RKDTL
0 Comments