Dili-16/07/2025-Média
Defisensia, Eskola Teknika Vokasional Santo Antonio Metinaro realiza exame
relatoriu bestajiu ba estudante 14 hodi prepara ba ezame PAP iha tinan ne’e.
Diretór
ESTIKA, David Marsal hatete, atividade ezame ne’e ba etapa dahuluk nian husi
formasaun dezenvolve traballu sira, sai hanesan relatoriu ida relasiona ho
estajiu ne’ebé sira halo durante fulan tolu iha tereñu, hodi hetan sira nia
valor husi ezaminadór sira.
“Objektivu
husi ezame etapa primeiru formasaun dezenvolve trabalhu, sei aprezenta
relatoriu durante fulan nia laran, sei aprezenta fila fali sira nia relatoriu
estajiu nian durante sira pratika ba hahu
iha 6 de marsu to’o dia 6 de junhu de 2025 ba iha eta primeiru nian. Estudante
sira ezame hetan valor husi prossor ezaminador sira nia liman, se sira pasa ona
iha relatoriu, hafoin sira tama iha projeitu prova profisional(PAP) nian ba etapa
daruak mak prova profisional (PAP). Etapa datoluk mak ezame nacional, iha
material haat(4) deit mak hanesan matematika, fizika, ingles portugues, iha
material haat ne’e mak tama ba iha ezame nasional”, Dehan Diretor David iha
Eskola ESTIKA Metinaro Dili, 15/07.
Diretor
ESTIKA hatutan, Estudante hamutuk 14 mane 9 no feto 5 mak ezame relatoriu estajiu
nian, sira fahe ba grupu 3, grupu 1 ba iha Parlamentu Nasional , grupu 2 ba iha
UNITAL , grupu 3 ba iha Edukasaun Municipiu Dili.
“Estudante
sira nia partisipasaun ba ezame nian sira ladun prepara an ho diak, direitor husu ba estudante sira hanesan
espasu ida ba iha etapa PAP nian, sira tenki prepara an ho diak no domina mós
iha hakerek no esplika. Nune’e ba iha universidade la ses husi aprezenta iha
eskola ESTIKA. Kriteria edukasaun mak la’o uluk husi etajiu durante fulan tolu,
depois tuir mai remata sira nia aprezentasaun relatoriu remata, hafoin tama iha
PAP dehan livre teoria material produtivu, material ne’ebé parte nasional sira
sei prepara estuda nafatin hodi tama ba iha ezame nasional iha fulan Novembru
nia laran”, Esplika Diretor David.
Iha
fatin hanesan Estudante estajiadu, Luciano de Deus Mendonça dehan, apresia ho
ezame ne’ebé sira hala’o ona sira sente diak bazeia ba saida mak sira aprezenta
iha ezame tuir matadalan ne’ebé sira aprende no hetan iha fatin estajiu durante
fulan tolu ohin termiña ho ezame relatoriu.
“Sente
kontente tebes ohin ezame relatoriu, tanba fulan tolu ba estajiu buat ne’ebe
hau mak aprende iha estajiu, no ohin loron hau bele aprezenta ho diak tebes,
tamba buat ne’ebe mak hau aprende iha fatin estajiu, ohin hau bele aprezenta
tuir buat ne’ebe mak hau aprende no pratika iha fatin estajiu nian”, Tenik
Estudante.
Entretantu,
estudante sira la duvidas, tanba pergunta sira ne’ebé profesor husu la ses husi
relatoriu ne’ebé mak estudante sira prepara no relasiona ho pratika iha fatin
estajiu durante fulan tolu (3) estudante sira hala’o estajiu iha instituisaun
tolu mak Edukasaun Munispiu Dili, Parlamentu Nasional no iha universidade UNITAL.
Jornalista : Eufrozina Braz
Editor :
Média RKDTL
0 Comments