Dili-08/07/2025-Media
Defisiensia, Universidade Nacional Timor Lorosa’e
(UNTL) hala’o serimonia judisium ba judisiariu 32 husi Fakuldade Direitu. Husi judisiariu
sira nia kualifikasaun ne’ebé durante ne’e aprende ona, hodi lori sira prepara
di’ak liutan ba rekursu justisa Timor-Leste nian iha Futuru.
Ministru Ensinu
Superior Siénsia no Kultura, José Honorio hatete, judisiariu sira mesak
kualifikasaun diak nune’e bele prepara futuru hodi hadi’ak rekursu justisa sai di’ak liu. Husi
ne’ebé sira aprende lori ona sira ba koinese oinsa atu hala’o servisu sira iha tempu tuir
mai.
“Judisiariu 32 sira
aprende kona-ba lei oinsa atu hare rekursu justisa nian, sira bele prepara di’ak
liu tan iha futuru. Tanba governo iha planu ba reforma area justisa hodi bele
haruka tan sira ne’ebé iha area direitu no justisa ba aumenta tan menstradu no
doutoramentu iha rai liur, maibé tenke
iha kontratu ba sira bainhira remata estudu tenki kontribui ba Timor-Leste”. Dehan
Ministro Ensino Superior iha Salaun Katedral, Dili, 08/07.
Nia hatutan, governu
tenki apoiu jovens sira nune’e iha futuru bele kaer justisa iha area oioin, nomos apresia
ho jovens sira nia esforsu no luta hodi bele hadia desenvolvimentu Timor-Leste
nian iha future liuliu iha rekursu justisa nian.
Iha fatin hanesan
Reitor UNTL, João Soares Martins hatete, Apresia ba presensa sua exelensia Primeiru Ministro ne’ebé
partisipa iha serimonio judisium refere nomos orgullu no parabens ba judisiariu
sira hotu ne’ebé esforsu ona iha sira nia estudu too ohin loron finaliza sai
bukae ba iha futuru.
“Setor justisa sai
kritika tebtebes tanba sosiedade ezije ba justisa ne’ebé justu no adekuadu,
nune’e papel justisa ne’e sai importante.
Atu reforsa setor justisa maka Fakuldade Direitu aprende hahu formasaun husi
Universidade hodi sai ba kategoria sira juis no advogada no seluk tan” tenik
Reitor UNTL iha fatin serimonio
Entretantu, Fakuldade Direitu hala’o ona judisium
ba dala 19 no produz ona ema husi fakuldade refere hamutuk 349. Husi formasaun
no estudu ne’ebé sira aprende ona atu bele implementa iha futuru.
Jornalista
: Eufrozina Braz
Editor
: RKDTL
0 Comments