GDK SEI LANSA ALBUN MUZIKA 8 DAHULUK HUSI BANDA KEY WORD IHA TEMPU BESIK

 

Dili-02/07/2025-Média Defisensia, relasiona ho komemora loron nasional ema ho defisiensia nian ne’ebé sei selebra iha 4 de Jullu tinan ne’e, Grupu Defisiensia Kreatividade (GDK), sei lansa albun muzika Ualu (8) dahuluk hodi komemora loron nasional refere.

Iha Pers Konferensia Koordenadora Grupu Defisiensia Kreatividade, Mafalda F. Gusmão hatete servisu hamutuk iha grupu hodi kria muzika sira ho aransamen muzika Cesar M.F. Gusmão no membru GDK Justino sira nia grupu kria albun muzika foun 8 sei lansa iha tempu besik, hodi komemora loron nasional ema ho defisiensia nian iha tinan ne’e.

“Ami realiza konferensia impresa hodi halo preparasaun ba lansamentu muzika dahuluk nian husi banda Key Words ne’ebé sei selebra iha 4 de jullu alende ne’e komemora mós loron nasional ba EHD. Atu fó hatene ba publiku kata kami hakarak fó sai ba publiku ami sei lansa ami nia muzika 8 ho nia album halakon tia ba no seluk tan tanba ne’e fó sai ba publiku katak iha loron 4 jullu ami sei lansa ami nia muzika husu ba publiku bele fó komentariu, sujestaun ruma no bele fahe tutan muzika ne’e ba ema seluk no sei fó sai iha GDK nia canel youtuber rasik. Husu ita boot sira nia kritiku no komentariu atu nune’e bele motiva tan ami no maluk defisiensia sira nune’e maluk defisiensia sira bele hatene no hola parte iha grupu muzika nian”, Dehan  Koordenadora GDK Mafalda iha Edifisiu GDK Matadoru, Dili, 01/07.

Iha fatin hanesan membru GDK Justino, esplika tan muzika ne’ebé GDK kria hamutuk 8 sei lansa iha tempu badak, tanba ne’e sira husu ba publiku atu halo kover ba sira nia muzika no kanta iha palku tenke husu lisensa ba autor ne’ebé kria muzik sira ne’e. Tanba iha lei bandu ona labele halo plagiarismu ba ema nia obra bainhira laiha rekoñesimentu husi ema nain.

“Ami nia muzika hamutuk album 8 no obra ne’e ami rasik mak produs ho ami nia imajinasaun rasik, husu ba publiku bainhira atu kover ami nia muzika ne’e bainhira sa’e palku ruma tenke husu lisensa ba ami molok aprezenta iha palku tanba ita mos iha ona lei kodigu ba autor ho diretu konekxu ne’ebé mak estadu ratifika iha 2022 oinsa atu promove sidedaun timoroan sede’it maki ha kreatividade estadu tenke promove no proteze hanesan mos estadu garante iha artigu 60 iha KRDTL hatete estadu fó protesaun ba hamoris no fila liman ho obra literariu huis sientifiku no artistiku no fó protesaun ba diretu autor sira nian ho nune’e husu ba publiku labele kover ema nia obra sira arbiru se ita kover ne’e iha area penal ita plagiarismu ita kopi ema nia obra tomak ne’e ita kategoria krimi bainhira ema nain ba keiza bainhira atu kover ema nia muzika tenke husu lisensa ba ema nain molok halo kober ka kanta iha palku karik hetan fii ruma tenke konsidera ema nain ne’ebé kria muzik refere”, Tenik Membru GDK

Entetantu, grupu refere inisiativa hahu husi ema nain tolu, depois  hari’i ba sira mós halibur maluk defisiensia sira inklui mós. GDK  agradese ba Prezidente Republika liuliu ba Asesor Inkluzaun Sosial, Telcomcel, Kaltex, Westerinun, fundasaun Kristal no individu sira seluk ne’ebé apoiu ona sira iha loron 4 fulan Jullu sira bele lansa albun muzika foun Sia.

Jornalista  :  Efrosina & Geraldino

Editor        : Média RKDTL