KONFERENSIA IMPRENSA ATIVIDADE FESTIVAL PARADAS CARAVANA OCEANO 2025 IHA TL

 

Dili-05/06/2025 Media Defisiensia, Ministerio do Turismo e Ambiente Direcão Nacional de empreendimentos hala’o konferensia imprensa  kona-ba  atividade parades caravana Oceano ho Tema “ hau nia tasi ,hau nia Timor” ne’ebé Sei hala’o iha loron sabadu dia 07 de junho 2025.

Diretora Nacional de Empreendimentos Atividades Produtos Turistico Maria Ernestina Lopes, hala’o Konferensia Imprensa ba atividade parade karavana oceano nian, hodi  fo sai ba publiku  hotu atu partisipa iha atividade ida ne’e liuliu ba joventude sira. Nune’e bele investe sira nia kapasidade iha kreatividade joventude nian iha Timor-Leste. Festival  parade  caravan ba loron mundial  oceano iha Timor-Leste sei hahu abertura husi Presidente da Republika iha Ministerio Negocio Estrajeiro e Comercio  Pante Kelapa no sei hala’o ho grupu sira too iha Portu Dili.

“Partisipa husi grupu sira  total  38 konta husi grupu sosiedade sivil,  ONG  local, ONG internacional, eskola sekundario, universidade, nomos Municipio sira. Husu ba komunidade sira hotu atu partisipa iha atividade carava refere,  tamba Atividade ne’e  sei hala’o iha portu Dili no sei apresenta hahan sira husi restaurante ida-idak ne’ebe sei compete iha eventu ne’e hodi hare kona-ba sira nia  kreatividade tein  hahan tasi nian”" Dehan Diretora Nacional de Empreendimentos Atividades Produtos Turistico   iha Konferensia.

Iha festival musika husi artista famozu sira, nomos  iha poezia husu jovens sira, husu jovens sira  atu partisipa masimu tamba  husi jovens sira maka lori susesu ne’ebe di’ak ba Timor-Leste nian. Joventude  mak alvu ba desenvolvimentu nasaun nian, parades caravan oceano la’os hala’o deit iha Timor-leste maibé hala’o iha Nasaun hotu-hotu. Atividade refere sei hala’o mos kampaña sensibilizasaun  hodi halo observasaun ba ita nia tasi, no biodiversidade rikusoin tasi okos  nian.  

Entretantu, iha konferensia imprensa ida ne’e fo sai ba publiku ka komunidade ne’ebé  partisipa iha festival refere labele konsumu alkol no lori sasan kroat. Husu mos ba PNTL Municipio Dili hodi bele asegura atividade ida ne’e husi inisiu to remata, konferensia refere hala’o iha CCD Mercado Lama.

Jornalista : Eufrosina Bras

Editor       : Média RKDTL