UDMTL DISTRIBUI SERTIFIKADU NO INSERA FORMASAUN LETRA BRAIL DURANTE FULAN 3

 

Dili-16/05/2025-Média Defisiensia, uniaun Defisiensia Matan Timor Leste distribui sertifikadu letra brail ba Formandus hamutuk 15 no insera mos ho formasaun ne’ebé realiza ona durante fulan tolu iha Suku Uenuno Postu Adminitrativu Kristu Rei Munisipiu Dili.

Atividade distribuisaun sertifikadu no inseramentu ba formasaun refere sita mos ho tema

“Letra Brail mak úniku solusaun ba ema ho Defisiensia matan hodi hola parte iha Edukasaun Formal iha Timor –Leste.

Iha intervista diretur ezekutivu UDMTL Jacinto Pereira hatete, objetivu realiza formasaun letra brail besik liu ba komunidade atu sira bele intende kona ba defisiensia.

“objetivu husi mak ita hakarak realiza formasaun sira ne’e ho komunidade atu komunidade sira ne’e bele intende katak ema ho defisiensia sira ne’e bele halo buat ruma inklui bele hatene hakerek no lee, tanba dala barak ema ninia intrepreta katak defisiensia atu hakerek lee no la bele sira mos la bele asesu ba iha edukasaun. Entaun liu husi ita nia formasaun sira ne’e ita hakarak halo besik liu ba iha komunidade,” dehan Jacinto ba Média RKDTL 16/05.

Fatin hanesan Asesor Asunto Inkluzaun iha Presidenti Repúblika Gaspar Afonso informa, formasaun letra brail ne’e importante tebes ba maluk defisiensia matan sira atu bele kore an husi analfa betizasaun.

“formasaun ida ne’e importante tebes ba ita nia maluk Defisiensia matan sira atu bele aprende netik buat ruma oinsa bele kore sira nia an husi analfabetizasaun tanba ema hotu agora hakrak kore nia an husi probreza liu husi edukasaun, entaun liu husi formasaun ida ne’e atu kapasita ita nia maluk defisiensia matan sira, maibé ba ha’u fulan 3 ne’e la naton, karik iha biban ita mos sei ko’alia ho governu atu nue’e formasaun ida ne’e tenki kontinua,” tenik Gaspar.

Aleinde ne’e Asesor sei aproxima ho ONG Internasional balu iha TL hodi bele apoiu fundus ba maluk defisiensia sira bele asesu ba iha nivel Edukasaun.

Sim, tinan ida ne’e ita sei ko’alia iha faze aproximasaun, maibé serteza katak iha tinan ida ne’e ita bele realiza saida mak ohin ha’u ko’alia ne’e, katak sira prontu atu tau osan ba iha ema 50 maibé hahú uluk husi selu semester, maibé ba oin se progresu di’ak sira sei tau mós osan ba transporte nian no osan sira seluk,” Hakotu nia.

Nune’e Mos Reprezentante Formandus Julio Ricky B. Da Silva Belo, Kontenti Ho Formasaun Rerefe Tanba Liu Husi Formasaun Letra Brail Ne’e Ajuda Ona Nia Atu Le’e No Hakerek.

“ba ha’u pesoalmente senti kontenti tebes bainhira asesu on aba iha formasaun sira hanesan ne’e liu-liu iha formasaun letra brail, tanba bele kapasita liu tan ha’u oinsá bele hasa’e ha’u nia koñesimentu liu ba iha oinsá atu hakerek no lee, nia diferente ne’e make ma la ho defisiensia hakerek uza lapizera, no ami defisiensia matan sira uza ekipamentus letra brail nian mak hakerek no le’e,” tenik nia.

Nia Fiar An Liu Husi Saida Mak Nia Aprende Ona Sei Garante Atinje Mehi Ne’ebé Mak Iha.

 Entretantu iha atividade distribuisaun sertifikadu no inseramentu ba formasaun ne’e hetan partisipasaun husi Autoridade lokal, reprezentante Asosiasaun Defisiensia TL, Raes Hadomi Timor Oan. no formasaun refere hetan apoiu fundus husi PHD liu husi ADTL.

Jornalista                   : Alexandre Salsinha

Editór                         : Média RKDTL